Sleeves, un “Coverband” di Kòrsou, a logra pa den un siman su piesa “Papia Papiamentu ku mi” bira un hit riba YouTube. Ku e vershon propio akí di e piesa “Parijs” di Kenny B ya e e banda a a haña mas ku 50.000 view riba YouTube i Vimeo.

E saksofonista Edwin Bonne a kai riba e idea pa graba un vershon di lokal di e piesa “Parijs”, asina Valentine van Doorn, e bos femenino di e banda, ta splika. Eric Jan van Leeuwen, kantante prinsipal, e ora ei a skirbi e letra ku ta tantu hulandes komo papiamentu. Ku koperashon di Gino Cova a graba i meks e pisa. Ora ku “Papia Papiamentu ku mi” a resultá di ta un éksito na radio tantu na Kòrsou komo na Bonaire, Aruba i Hulanda. no por a keda sin traha un videoclip. Yuri Kneppers, e “Keyboard” di e banda ta ko-propietario di Caribbean Legacy i asina por a filma i monta e clip. Maarten van Zadelhoff, bass guitar, a skirbi e skrept i a dirigí. Asin’ei tur miembro di e banda a koperá ku e éksito akí.

E banda tin mas ku 8 aña kaba, i nan ta hopi kontentu ku e hit akí. Valentine ta bisa: “Nunka nos no a spera di tin un éksito asin’akí. Bon promoshon pa nos, pero sigur pa Kòrsou tambe  En realidat Sleeves ta un cover band i komo prinsipio no ta toka piesa propio, pero nos tur a gusta e idea akí asina tantu ku huntu nos a traha un sorto di piesa propio kuné.”

Tur hende por mira e clip di Papia Papiamentu ku mi riba YouTube i Vimeo i riba e Facebookpage di Sleeves tin tambe un “making off” grasioso di e clip.