Artistanan a uza diferente material recicla

ORANJESTAD, Aruba – 15 di Mei 2017: AHATA su Comision di Medio Ambiente ta organisando pa 15 aña nan exposicion – competencia di Arte Recicla na UNOCA y e aña aki un biaha mas e participacion tabata grandi. CEO di AHATA, Jim Hepple, ta contento di mira con e exposicion tur aña ta hayando mas participacion. E exposicion a cuminsa como un compromiso pa medio ambiente, pasobra nan kier a haya e atencion con por haci uzo un biaha mas di productonan simpel den otro forma.

“Mi ta kere e scolnan, muchanan, gruponan a haci un trabou maraviyoso di realisa tur sorto di artenan creativo y nos ta hopi contento cu esey”, Jim Hepple a remarca. El a manda palabranan di pabien pa AHATA su Comision di Medio Ambiente pe evento cu tur aña ta birando mas grandi y miho. “Bo por mira e participacion con hopi hendenan ta gusta pa forma parti di dje”, Jim Hepple a expresa. AHATA ta sumamente contento cu nan por yama e atencion pa recicla y uza bek. Nan sa cu e evento lo sigui bira miho, mas grandi,mas participante y hopi mas idea creativo.

Artista individual profesional Maroeschka Cornelie a participa pa di 4 biaha den e competencia di Arte Recicla di AHATA. El a traha un pauwies di cual Maroeschka Cornelie a haci uzo di diferente material, manera plastic, carton, papel, caha di webo, boter di clorox, boter di awa, straw, corant y papel di revista. El a dura mas o menos 15 dia pa por a traha e pauwies y tabata traha 5 ora pa dia riba dje. Maroeschka Cornelie a gana e prome luga cu su obra Orguyoso. “Mi a gana varios biaha, 3 biaha prome luga y 2 biaha di dos luga”, el a comenta.

Den e categoria di artista den grupo Cindy Regales a participa cu su tata, unda cu nan a bin cu e nomber di DNA of Expression. Nan a traha e obra di Angel Eagle y nan a gana e prome luga. Nan a duna e obra e nomber ey pasobra e halanan ta bunita y nan a kere cu e obra ta manera un angel. Nan a haci uzo di CD y algun material recicla y a dura nan mas o menos 2 dia pa por a traha e obra Angel Eagle. Aña pasa Cindy Regales a competi cu un Colibri chikito y e biaha aki e tabata kier a bay cu algo un tiki mas grandi y a scoge pa un aguila.

Tambe esnan presente a participa pe doorprijsnan cu tabatin. E doorprijsnan cu por a gana tabata ticketnan pa show di e Fundacion Hende Muhe den Dificultad y lunch pa 2 persona na Tierra del Sol. E ganadonan ta como lo siguiente:

Categoria 1 Scol Preparatorio

Scol Preparatorio Cacique Aterima. Obra Tamboerijn, Flor pa wanta potret, Tic Tac Toe. Premio ta un bus trip pa un klas di 30 studiante cortesia di De Palm Tours/un Butterfly Tour pa 30 studiante cortesia di Butterfly Farm, 30 Kid’s Meal cortesia di Burger King!

Categoria 2 Scol Basico (1-2-3)

1 Luga Colegio Frere Bonifacius Klas 2. Obra Uit een boek gekropen. Premio ta un bus trip pa un klas di 30 studiante cortesia di De Palm Tours/un Tour educacional cortesia di Parke Nacional Arikok/30 Kid’s Meal cortesia di AHATA.

2 Luga Colegio Santa Famia Klas 1A. Obra Celebra cu AHATA. Premio ta un workshop ofreci na Fantastic Gardens pa un klas di 30 studiante/un certificado di Aruba Wine & Dine cu balor di AWG 100 valido na Moomba Beach/5 caha di Dushi Awa cortesia di Tara Eco Supplies.

3 Luga Colegio San Hose Klas 3B. Obra New York Skyline. Premio ta lunch pa 2 persona na Pega Pega Cafe & Beach Bar situa na Manchebo Beach Resort & Spa Aruba.

Categoria 3 Scol Basico (4-5-6)

1 Luga Colegio Frere Bonifacius Klas 5B. Obra Blik Kunst. Premio un bus trip pa un klas di 30 studiante cortesia di Kini Kini Transfers & Tours/un Jeep Tour pa un klas di 30 studiante cortesia di ABC Tours Aruba/30 Kid’s Meal cortesia di AHATA/5 caha di Dushi Awa cortesia di Tara Eco Supplies.

2 Luga International School of Aruba Klas 6. Obra Land & Sea. Premio ta un Sunday Brunch pa 2 persona na Hyatt Regency Aruba Resort, Casino & Spa plus un NV Smartphone cortesia di SETAR.

3 Luga Rosario College Klas 5A. Obra Recycled Turtle. Premio ta un certificado pa disfrtua un Theme Night Dinner pa 2 persona na Holiday Inn Resort Aruba.

Categoria 4 Scol Secundario

1 Luga International School of Aruba. Obra Recycled Living Room. Premio ta un bus trip pa un klas di 30 studiante cortesia di Fofoti Tours & Transfers/un boat trip pa un klas di 30 studiante cortesia di Jolly Pirates/Breakfast pa 2 na Restaurant Solanio situa na The Ritz-Carlton Aruba.

2 Luga E.P.B. HATO. Obra Flower table y stoelnan. Premio ta un breakfast pa 2 persona na Ike’s Bistro cortesia di Manchebo Beach Resort & Spa Aruba/NV Smpartphone cortesia di SETAR.

Categoria 5 Individual Amateur

1 Luga Guadalupe Hernandez. Obra Home Decoration made out of papers. Premio ta un Weekend Stay na Costa Linda Beach Resort.

2 Luga Obllinny Bermudez. Obra Baul de recuerdo/The beautiful bocycled collection. Premio ta un Day Pass pa 2 persona na e hotel All Inclusive RIU Antillas.

3 Luga Merveline Geerman. Obra Vida. Premio ta un Smartphone cortesia di SETAR.

Categoria 6 Individual Profesional

1 Luga Maroeschka Cornelie. Obra Orguyoso. Premio ta un Weekend Stay na Renaissance Aruba Resort & Casino.

2 Luga Edgar Kock. Obra Un fiesta di bestia. Premio ta un Weekend Stay na Caribbean Palm Village Resort.

3 Luga Agnes Leslie. Obra Island Giggles. Premio ta un dinner & show pa 2 persona na Barcelo Aruba.

Categoria 7 Grupo

1 Luga DNA Expression. Obra Angel Eagle. Premio ta un Weekend Stay na La Cabana Beach Resort & Casino/Dinner pa 4 persona na Long Table/Renaissance Aruba cortesia di AHATA.

2 Luga Amsterdam Manor Beach Resort. Obra Grilling on the Dam. Premio ta un Day Pass pa 2 persona na e hotel All Inclusive Barcelo Aruba/Dinner pa 3 persona na Long Table/Renaissance Aruba cortesia di AHATA.

3 Luga Engineering Aruba Surf Club. Obra Los Botelleros. Premio ta un Dinner for 2 na Restaurant Elements situa na Bucuti & Tara Beach Resort (adults only)/Dinner pa 2 na Long Table/Renaissance Aruba cortesia di AHATA.