Duck Cocktail Party i Arte Patu Auction ku a keda posponé ta tuma lugá riba djasabra 20 di òktober 2018

Riba djasabra anochi 20 di òktober ta tuma lugá e Duck Cocktail Party i Arte Patu Auction ku a keda posponé,  organisá pa Rotary Club Willemstad. E aktividat ta tuma lugá den Children’s Curacao Museum. Artistanan lokal ta pone un di nan obranan disponibel pa e findishi, i e persona ku bit mas tantu ta bai kas ku e obra di arte úniko aki. E findishi ta kuminsá mitar di 8, sigui pa e Cocktail Party ku ta kuminsá mas o ménos 10or,  kaminda por balia riba ritmonan  di muzik kayente. Ku rekoudashon  di e findishi akí Rotary ta sostené trabou di Fundashon Encelia. E fundashon akí ta ofresé akohida di krísis pa muchanan entre 4 te ku 12 aña ku ta biba den un situashon di famia di krísis. Rotary ta atmirá  trabou di Encelia i ta duna e fundashon for di 2015 kaba sosten finansiero. Bo ke presensiá e findishi úniko akí?

Na Mensing’s Caminada i serka tur Rotary Fellows tin karchi na benta pa 150 florin. No solamente bo ta bai kas ku un obra di arte úniko, pero ku bo kontribushon hopi mucha ta risibí e sosten nesesario. Keda na altura via e página di Facebook di Rotary Club Willemstad.

Foto: Kunstwerk Mirjam Griffioen en Ans Mezas