McDonald’s Kòrsou ta introdusi yogert ku ménos vèt den nan Happy Meal

Kòrsou, 12 di aprel 2015 – Dreamsworks su pelíkula nobo, “Home”, lo ta e siman aki na nos teater I McDonald’s ta selebrando inkluyendo ko’i hunga di e pelíkula aki den nan Happy meals. E Happy Meal ta presentá “Oh”, e protagonista prinsipal, den un kolo fèl i un funshon prèt presentando su diferente emoshonnan. Awor muchanan por kolekta e seis diferente ko’i hunga di e karikaturanan ekstraterestre di Dreamworks “home”, kada unu ku algu speshal di e pelíkula, ku ta wòrdu aktivá ku un boton ku bo mester primi. “Home” ta Dreamworks Animation’s su pelíkula kómiko animá di 2015. Ora mundu ta keda konkista pa Boov, un rasa ekstraterestre enbuska di un lugá nobo ku nan por yama nan kas, tur humano ta wòrdu enkurashá ta akseptá Boov su manera di bida. Pero un mucha muhé ku hopi idea, Tip (Rihanna), ta haña su mes, sin ku e ke, komo e kómplise di e Boov ku e keda èkskomuniká ku yama “Oh” (Jim Parsons), anto asina nan ta bai riba e ‘road trip’ di nan bida pa restorá órden den e galaksia. “Nos klientenan I mayornan ta buskando maneranan pa kombiná prèt ku bon smak. Nos ta orguyoso pa invitá famianan pa disfrutá e kolekshon di Happy Meal aki ku a keda inspirá pa e pelíkula “Home” di Dreamworks”, asina Jennifer Poulina, Operations Supervisor di Arcos Dorados Kòrsou a bisa. “E Happy Meal ta bini ku un selekshon amplia di kuminda di kalidat I hopi goso”, Jennifer a sigui bisa.

Yogert ku ménos vèt nobo den Happy Meals

McDonald’s ta anunsiá tambe ku e ta inkorporando Go-GURT®, un yogert ku ménos vèt den nan Happy Meal ikono na Kòrsou. E menú aktual ta parti di e marka su kompromiso pa e salu, felisidat I bienestar di nos muchanan. E yogert nobo aki, traha eksklusivamente pa McDonald’s, ta kontené 50 kaloria so anto e ta traha ku un suku artifisial. E ta sòru pa e ekivalente di ¼ kùp di lechi ku ménos vèt I e ta un bon fuente di kalsio I vitamina D. “Nos ta purba di komplasé petishonnan di nos klientelanan pa mas variedat I eskoho nan mas salu pa muchanan por disfrutá nan Happy Meal kuné, e Go-GURT nobo ta un bon pasa boka, ku ménos kaloria pa nos muchanan disfrutá di dje”, asina Jennifer a bisa. McDonald’s su Go-GURT ta marka ku e karikatura di Happy, ku ta yuda selebrá e goso di e Happy Meal, tanten reforsando e kompromiso di e kompania pa e bienestar di e muchanan. Komo un embahador pa bon kuminda I eskoho di bebida pa famia, Happy ta promové fruta, berdura, kos nan di lechi ku ménos vèt, I awa òf djus sin suku. Happy ta aliñá ku McDonald’s su kompromiso pa inkluí un mensahe di nutrishon òf un bida aktivo den 100% di nos komunikashonnan nashonal di mucha. Go-GURT awor ta wòrdu inkluí den Happy Meals presentando e ko’i hunganan I ko’i pinta di e pelíkula di HOME. Pa mas informashon, bishita bo McDonald’s favorito na Kòrsou.