Willemstad– Fun Miles a lansa un app pa smart phones. Esaki ta hasi posibel ku miembronan di Fun Miles por chèk nan saldo mes ora, wak na kua empresanan nan por spar i troka nan Fun Miles i tambe hasi uso di otro funshonalidat nan kunbiniente via di e app aki. Por download e app grátis pa Apple iOS na App Store i via Google Play pa Android.
FUN PRAKTIKO
Hopi miembro di Fun Miles ta konosí ku e siguiente situashon; ora e ta den un tienda i ke kumpra algu ku su Fun Miles pero e no sa kuantu Fun Miles e tin. Ku e app nobo e problema aki ta resolvé mesora, pasobra bo por wak bo saldo al instante. Adishonal na e informashon aki ku bo por risibí via di e app, bo por wak tambe nòmber di tur Fun Miles su partnernan i tambe wak unda nan negoshi ta ubiká via di Google Maps. Esaki ta pone ku miembronan di Fun Miles por gosa di tur benefisio ku Fun Miles ta brinda. Otro funshonalidat ta inkluí e opshon pa pidi bo relato di kuenta kua bo por mira e transakshonnan resien hasí ku e karchi Fun Miles i alabes bo por kambia informashon di bo profil. Den un futuro serkano Fun Miles tin intenshon di ekspandé mas posibilidat i servisio riba e app aki.
TOKANTE FUN MILES
Fun Miles ya for di 1998 ta e programa di lealtat di kliente mas grandi di Karibe. Ku kasi 150.000 miembro riba sinku isla, Fun Miles a bira parti integral di e komunidat. Popularidat di e programa ta danki na un skala amplio di kosnan fun ku e ta pone na alkanse di su miembronan. E programa di spar i troka ta realisá den estrecho kolaborashon ku su partnernan ku ta varia di supermerkado te aerolinianan i di restorantnan te pòmpnan di gasolin. Por spar Fun Miles na 150 lokalidat na Aruba, Boneiru, Kòrsou, St. Maarten i St. Eustatius, i por troka Fun Miles pa un kantidat grandi di produkto i servisio. Fun Miles semper ta sentro di atenshon pa su kampañanan popular i eksitante, eventonan spesial, partnernan atraktivo, i inovashonnan fun manera e Fun Miles app.
MAS INFORMASHON TOKANTE DI FUN MILES?
Pa mas informashon tuma kontakto ku e departamentu di servisio pa kliente na telefon 465 3300 òf bishitá funmiles.net òf facebook.com/funmiles.