WILLEMSTAD,- E siman aki a kuminsá e summerschool den La Tentashon. Un total di 15 hóben ta partisipando den nos siman di tayer. E plan di La Tentashon Summerschool ta pa e hóbennan sera konosí ku e mundu di teater i alabes presenta pa públiko loke ku nan a siña den e simannan di tayer. Dos siman largu nan lo traha riba un presentashon pa dia 31 di ougùstùs aki. E dosentenan ku ta trahando ku e 15 hóbennan aki ta studiantenan di ArtEZ Hoogeschool voor de Kunsten, un di e miho skolnan di arte na Hulanda. Remi Walsarie, Relinde Burgerhoudt, Freek van Zonsbeek & Kim Schönhage lo soru pa traha un tremendo obra ku e hóbennan aki. Kuminsa reserva e fecha i keda pendiente pa sa kiko tur lo sosode den e presentashon “ Boys vs Girls” ku moveshon, kanto, musika i aktuashon. Pa mas informashon por tuma kontakto ku teater Luna Blou na 462-2209 òf yama 522-8525 òf 524-8525. Por bishita nos website www.lunablou.com  òf mail nos na production@lunablou.com