Digicel ta introdusí ‘Digicel Zero’
KRALENDIJK: Esaki si ta zùiver! Digicel ta sigui inová i amplia su portofolio di produkto. “Digicel no únikamente ta e proveedor di komunikashon mas kresiente den merkado pero tambe ta konosí komo inovador den komunikashon mobil den nos region. Komunikashon ta nos prioridat, ta pesei nos ta traha tambe pa mantené tur hende konektá ku e mihó tarifanan tantu pa yamada komo pa ‘data’. Nos ta lansa nos produkto ‘Digicel Zero’ spesialmente pa tur kliente pre-pago”, esaki di akuerdo ku sr. Andre McKenzie, Commercial Manager Digicel Bonaire. Awor, klientenan di Digicel por apliká pa ‘Digicel Zero’ un pakete pre-pago di 2 dia ku ta inkluí 350 MB di data ademas yamadanan riba e ret di Digicel pa Aruba, Boneiru i Kòrsou (ABC), i Whatsapp & Facebook grátis! ‘Digicel Zero’ ta kosta únikamente $5
Tabata djarason atardi na El Mundo den Kaya Grandi ku ehekutivonan di Digicel a duna un presentashon na miembronan di prensa i algun invitado. Awoki ta bira posibel pa hasi yamada di Digicel pa Digicel grátis entre Kòrsou, Boneiru i Aruba. E pakete aki ta ideal pa tur persona ku ke keda konektá ku famia i amigunan entre e islanan. Plùs usa Whatsapp & FB grátis henter dia. “Digicel Zero ta un produkto nobo ku ta brinda opshonnan kumbiniente na e kliente pre-pago. Dos dia di kombersashon i konekshon di data; nos tei pa entregá e mihó kontenido, mihó servisio i mas balor na e kliente. Ta nos meta pa keda ofresé klientenan produktonan úniko i kompetitivo na preis. Disfrutá di ‘Digicel Zero”, asina sr. Andre McKenzie, Commercial Manager Digicel Bonaire a tèrminá.
Apliká awe mes pa ‘Digicel Zero’ yamando *123#. E plan di dos dia ta duna e kliente 350MB di data 4G – bon spit pa kompartí potrèt, sùrf riba Internet, chat riba Whatsapp, download i mantené bo mes na altura di tur desaroyo riba Facebook. Digicel ta ofresé konekshon i uso riba e plataforma di Social Media mas grandi na mundu- grátis! Bishitá Digicel su websáit www.digicelbonaire.com òf di Digicel den Kaya Grandi pa mas informashon, tèrmino i kondishon di ‘Digicel Zero’.