Bo potrèt riba Social Media ku #DigicelKiss tambe a yuda

WILLEMSTAD, mart 2015: Den antisipashon pa Dia di San Valentino 2015, Digicel a lansa un promoshon dinámiko riba Social Media yamá #DigicelKiss. “E biaha aki nos a enfoká un kampaña riba -kompartí amor ku próhimo. Usualmente Dia di San Valentino ta keda selebrá entre pareha, nos tabata ke a pone e focus otro kaminda e aña aki. Motivando amor entre amigu, mayor ku yu i amor pa nos komunidat. Un dia èkstra ku por a suprayá un sentimentu noble i di kompashon pa otro. Pesei mes, e akshon aki tabata dediká na Hospice Arco Cavent Curaçao”, esaki di akuerdo ku, sra. Shayenne Rock, Marketing Manager pa Digicel Curaçao. Pa kada potrèt riba Instagram òf Twitter di un persona mandando un sunchi ku e ‘hashtag’ #DigicelKiss, lo a hasi donashon di 1 florin na Hospice Arco Cavent Curaçao. Despues di e kampaña di Social Media usando #DigicelKiss, Digicel a kolektá tur e potrètnan i a hasi un donashon di 500 florin na Hospice. Manera ku un dicho popular ta bisa,”No ta nesesario hasi kosnan grandi, sino kos chikitu pero ku gran amor”. Hospice Arco Cavent Curaçao ta un organisashon ku ta proveé kuido médiko i sosial na habitantenan ku enfermedat terminal. Pa mas informashon tokante di e organisashon aki por bishitá nan página wèp www.arcocaventcuracao.com òf pagina di Facebook Hospice Arco Cavent.