Djadumingu promé november

Willemstad – Preparashon ta kanando bon pa e “Domingo Playero” dia promé di novèmber na playa di Caracasbaai, kalentando asina pa e konsierto “Noche de los Reales”, ku e bachateronan Frank Reyes i Raulin Rodriguez di dia 7 di novèmber di e Sentro Komersial Sambil.

E grandioso Domingo Playero aki lo kuminsa for di 10or di mainta te ku 6or di atardi i lo bai tin un tremendo ambiente kant’i awa ku músika bibu di e agrupashonnan Sexto Sentido, Miguelito Bomba, Tony Conga i tambe lo bai tei Dj El Fuerte. Lo bai tin tambe kompetensha di bailamentu di bachata riba ritmo di e eksitoso bachatanan di e dos artistanan prinsipalnan i oportunidat di gana karchi di entrada, produktonan di e patrosinadònan di e evento i hopi sorpresa masha interesante mas. E Mega Konsierto Baliabel di Noche de los Reales lo konta tambe ku aktuashon di e banda mas kotisá aktualmente DOLCE BAND, tambe e famoso djnan Argenis Huerta i José. E presentadó riba tarima pa e gran anochi lo ta e konosido El Fuerte. Organisashon SHOW LATINO & MAS ta un organisashon  nobo, pero integrá pa personanan ku tin vasto eksperensha riba e tereno di organisashon di evento di e magnitut aki, pues ku esaki nos ta garantisá un espektákulo na nivel kaminda e públiko ku akudí por disfrutá di ambiente tur afó kual ta loke nan a paga p’e.

ENTRADANAN

E evento lo bai tin tres sekshon kualnan ta Sekshon General na rason di Nafls. 75,– Sekshon Bachata VIP pa Nafls. 175,–, kual ta un sekshon ubika te dilanti di e esenario i e Sekshon Bachata VIP Lounge pa Nafls. 350,– ku ta All Inn, pero ta bon pa bisa ku e sekshon aki lo ta sumamente limitá, kual tambe ta keda te dilanti di e stage pero riba un plataforma mas haltu i den esfera di un real Lounge.

Por haña karchi na Tik Tak, Beep Beep, 24 Uur uit de Muur, RS CD Center, Albert Hein, Van den Tweel na Janthiel i Beep Tiew na Berg Altena.

Pa reservashon di karchi Bachata VIP Lounge tin ku yama e number 568-1200