Willemstad – Djasabra awor dia 6 di desèmber ta bai ta un dia yená ku aktividat den Parke Tropikal. E selebrashon ta kumisa 4 or di atardi pa mitar di 7 di anochi ora ku henter famia por disfrutá di É fiesta di Sanikolas. Fundashon pa Nos Muchanan a sòru pa Sanikolas bishitá nos parke di bestia ku tur su pietjesnan, yen di kolo, pa duna un i tur un tremendo show. Karchinan ta kosta solamemte 25 florin i ta optenibel na Beep Beep, Mensing’s Caminada, De Dames i na Parke Tropikal mes. Banda di e tremendo show e preis ta inkluí 1 hotdog, 1 popcorn, 1 puntzakje, 2 refresko i 1 regalito. Despues di É fiesta di Sanikolas pa 7 or di anochi tin e éksitoso aktividat di Parke Tropikal Zoovie Picnic Night. Prepará e klechi, klapstoel, kama di pushi i kòtnan paso un biaha mas ta bai pasa un tremendo pelikula riba big screen den airu liber. Entrada pa Zoovie Picnic Night ta solamente 5 florin of 250 Fun Miles pa persona i e pelíkula ta kumisá mitar di 8. E pelíkula ta un sopresa i tin di haber ku bestia, naturalesa i ta apto pa henter famia. Pa esnan ku tin nan karchi di entrada di É fiesta di Sanikolas e entrada pa Zoovie Picnic Night ta gratis. E Zoo-bar tambe a keda ampliá ku eiskrim i dushi wafels. E kosnan dushi kustumbrá manera popcorn, frio frio, hotdog, frietjes, suikerspin tambe ta optenibel na preis di famia. Komo ta periodo di fin di aña nos ta rekomendá un i tur pa bin ku un paraplu pa si awa spat un tiki. Zootique tambe ta habri pa bishitantenan ku ke kumpra un regalito òf rekuerdo. Parke Tropikal ta yama danki na Massive ku ta e kompania enkargá ku e sonido i imagen tremendo i limpi durante Zoovie Picnic Night. Pa e mayornan ku ta buska un aktividat divertido pa bai ku nan yunan, djasabra awor dia 6 di desèmber Parke Tropikal ta e kaminda pa bai. Sea den dia òf anochi Parke Tropikal ta keda un parke kaminda grandi i chiki por siña i diverti. Pa mas infomashon yama 736 0188 òf wak e facebook page di Parke Tropikal ku ta www.facebook.com/parketropikal