KRALENDIJK, febrüari 2015: Durante di e último 8 añanan Digicel a posishoná su mes komo e kompania lider di telekomunikashon na Boneiru; awòki e kompania ta klá pa lansa su mes den e área di ICT. Resientemente Digicel a tene un seminario dirigí riba solushonnan práktiko pa mundu empresarial. E divishon di Digicel ku enfoke riba solushonnan den área di ICT a duna e invitadonan oportunidat pa sera konosí ku e produktonan. E liña di produkto ku a keda presentá lo ta mas efisiente i ekonómiko ofresiendo muchu mas balor pa nan invershon. E Business Solutions Seminar ku a keda tené djamars atardi na Karel Beach Bar a ofresé kada invitado un bista amplio den Digicel su portofolio. Sr. Karel Visser, gerensia di Karel’s Beach Bar ta deskribí Digicel su servisio di Internèt durante di e último aña komo unu rápido, rendabel i stabil. “E kambio ku nos a hasi di bai pa Digicel tabata unu hopi positivo, desde e instalashon di e servisio mas ku 1 aña pasá nunka nos tabata falta konekshon”. Durante di e seminario a duna splikashon i demostrashon amplio di e manera kon Digicel a revolushoná e plataforma lokal di ICT. Digicel por maksimalisá e potensia den teknologia i solushoná problemanan tékniko, ademas di esaki ta ofresé e mihó solushon i esun mas avansá pa kualke empresa, miéntras ta yuda nan manehá nan gastunan i optimalisá nan efisiensia. Rachel Brathwaite, gerente general di Digicel Bonaire a ekspresá ku enbèrdat esaki ta un tempu hopi eksitante pa e kompania i ku tin hopi plan klá pa wòrdu ehekutá ku lo ekspandé e servisionan di Digicel. “Digicel su meta pa diversifiká su operashonnan na Boneiru ta konkretisando, for di primeramente un kompania di telefon mobil pa un kompania ku por duna servisio i solushon riba tur area di telekomunikashon. Digicel tin un tim dediká na e departamentu aki i ku sosten internashonal di e.o Broadsoft Inc, CISCO, Microsoft, AVAYA i varios mas ta garantisá ku Digicel lo ta e promé opshon na Boneiru ora ta trata di tur solushon di ICT”, asina Rachel Brathwaite a kontinuá bisando. Durante di e seminario sr. Ramiro Delgado, ehekutivo i ingeniero di benta di Broadsoft Inc. a duna un demostrashon interesante ku a kapta atenshon di e empresarionan. Ademas di esaki, tur invitado a risibí un ‘up-date’ riba Mobile Advertising, un metodo diferente i efisiente di merkadeo, i un demostrashon di e avansenan teknologiko den e area di “data center” i servisionan di “cloud” ku Digicel ta ofrese.