WILLEMSTAD- Na 2014 3.000 jumpers a mira segun e koló di nan brel na Skalo Kade. Djabièrnè 6 di febrüari 2015 na Skalo Kade (lugá di parker dilanti di Villa Maria) “BO NUMBER TA BAI HUNGA”. Kòrda ku Jump-In “Kada ken ta mira segun e koló di nan brel”, é Jump-In di aña 2014, tabata sold out 2 siman promé ku e Jump-In a tuma lugá i ta hopi ta e jumpernan ku a keda sin wak e kos segun e koló di nan brel. Si bo ke pa bo number hunga djabièrnè 6 di febrüari, buska bo karchi trempan serka miembronan di Softball Tim MCB i di Vice Vèrsa òf na UDC/CDC i St. Jozef VSBO. Tur loke abo ku ta un jumper di kurason mester hasi ta buska bo karchi na balor di NAf. 35,– for di trempan pa bo no keda afó, skohe entre e 2 diferente kolónan di T-shirt ku tin disponibel pasó “BO NUMBER TA BAI HUNGA”. E shirt ku bo skohe lo yuda hasi abo un jumper úniko, ya komo ku ta abo so lo tin e shirt ei bisti! Pa pone bon ambiente lo tei nos artistanan lokal : ERA, DREAMS i GIO i for di Hulanda NASTY PLAY. Huntu ku nan lo tei e DJ mas popular: BRYAN ROSA PA BO GOSA! Naturalmente Rei di Tumba 2015 tambe lo ta presente. Pa esnan ku yega promé por parker outo ku bon seguridat na Kleine Werf. Aparte di gosa den un dushi ambiente di hende nèchi, ku bon seguridat i un Jump-In diferente ku bon “vibe”, bo ta yuda kontribuí tambe na e skolnan St. Jozef VSBO, UDC/CDC ku ta partisipá den Teener Parade 2015 i Grupo Karnaval Vice Vèrsa i ku chèns di gana varios Kompa Leon Giftcard di San Valentino na un balor total di NAf. 5.000,–. No tin duda, djabièrnè 6 di febrüari na Skalo Kade, “BO NUMBER TA BAI HUNGA”.