WILLEMSTAD- Na 2012 Jump In titulá “Anochi Tur Pushi ta Pretu” tabata “sold out” 1 siman promé ku e fecha di e Jump In. Na 2013 e Jump In titulá “Ma Nochi Ma Ñeñe” tabata “sold out” 2 siman promé ku e Jump In a tuma lugá. E aña aki djabièrne 21 di febrüari 2014 e Team di Softball di Maduro & Curiel’s Bank tin nan super popular Jump In titulá “Kada ken ta mira segun e koló di su brel!”. Un Jump In ku un titulo diferente spesialmente pa hende ku bon “vibe”! Tur loke abo ku ta stimá Jump In diferente ku dushi hende mester hasi ta paga bo NAf. 35,–, for di trempan pa bo no keda afó, skohe entre e 5 diferente kolónan di T-shirt ku tin disponibel pa asina bo eksperensiá tur kos segun e koló di bo brel I disfrutá di e 4 bandanan di mas popular di Kòrsou, TUNE, ERA, DREAMS I GIO I e DJ di mas popular di aktualidát, BRYAN ROSA PA BO GOSA! E Jump In ta tuma lugá na Skarlo Kade (lugá di parker dilanti di Villa Maria) i tur partisipante por parker nan auto ku bon seguridat na Kleine Werf. Aparte di gosa den un dushi ambiente di hende nechi, ku bon seguridat I jump in diferente ku bon “vibe”, bo ta yuda kontribui tambe na e skolnan MIL, St. Jozef VSBO i UDC/ODC su partisipantenan di Teener Parade 2014. Buska bo karchi serka softbolistanan di MCB òf serka partisipantenan di Teener Parade di un di e skolnan ariba menshoná.