TUNE, ERA ku Ike Jesurun i Maarten Schakel, DREAMS ku Richie Rich, GIO i DJ BRYAN ROSA

WILLEMSTAD- Djabièrnè 21 di febrüari 2014 e Team di Softball di Maduro & Curiel’s Bank tin nan super popular Jump In “Kada ken ta mira segun e koló di su brel!” ku ta tuma lugá na Skarlo Kade (lugá di parker dilanti di Villa Maria) i tur partisipante por parker nan auto ku bon seguridat na Kleine Werf. Tur loke abo ku ta stima Jump In diferente ku bon “vibe” mester hasi ta paga bo NAf. 35,–, for di trempan pa bo no keda afó, skohe entre e 5 diferente kolónan di T-shirt ku tin disponibel pa asina bo eksperensiá tur kos segun e koló di bo brel i disfrutá di e 4 bandanan di mas popular di Kòrsou, TUNE, ERA ku Ike Jesurun i Maarten Schakel, DREAMS ku Richie Rich i GIO i e DJ di mas popular di aktualidát, BRYAN ROSA pa bo gosa! Aparte ku Maduro & Curiel’s Bank, e Banko di Karnaval ta un gran sostenedó di nos Karnaval ya pa hopi aña, e Softball Team Maskulino di Maduro & Curiel’s Bank tambe tur aña di nobo ta kontribuí via di nan Jump In na nos Karnaval. E aña aki gran parti di e ganashi di e Jump In aki lo bai pa e skolnan MIL, St. Jozef VSBO i UDC/CDC sin ku nan tin kore ningun risiko finansiero. Tur e gastunan inbolbí den e Jump In aki ta wordú kubrí dor di Softball Team MCB i asina duna e skolnan ariba menshoná oportunidat pa nan tambe generá fondo pa yuda kubri nan gastunan di nan partisipashon na Teener Parade 2014. Buska bo karchi serka softbolistanan di MCB òf serka partisipantenan di Teener Parade 2014 di un di e skolnan ariba menshoná i asina bo tambe ta mira tur kos segun e koló di bo brel.