Tema: ‘Flower Fantasy, Queen & Kings’…
WILLEMSTAD.- Ayera tardi durante di un ambiente ameno na Bikini’s Curaçao a tuma lugá e presentashon ofisial di e 8 kandidatanan pa Reina di Karnaval i e 4 duonan pa Prens i Pancho 2015. ‘Divine and Explosion Production’ ta e organisashon enkargá ku produkshon dje elekshon ku lo tuma lugá riba djasabra, 10 di yanüari 2015 na Lanthùis Brievengat. E tema ku a skohe pa e aña aki ta ‘Flower Fantasy Queen and Kings’. E idea di flor ta paso e deseo máksimo ta pa despues di e selebrashon di 45 aña di Karnaval di Kòrsou, e sigui floresé den tur su splendor, p’asina Kòrsou via di e alegria ku Karnaval ta trese nos Pais lo por keda den un primavera eterno. Kada Reina lo representá un flor ku ta di nos Pais i nos Prens i Panchonan lo representá kada un, un di e kuater elementonan di naturalesa ku ta yuda e flor krese i floresé.
KANDIDATANAN
- Sharmelys Morales – Palu Santu. (Crazy Diamonds)
- Makeila Richards – Katuna di Seda. (Dushi Aventura)
- Salortiza Palm – Passiebloem.
- Kerry-Anne Monte – Yerba di glas. (The Jumping Jewels)
- Giandra de Wind Zimmerman – Bonchi di Kabai.
- Jurnalis Henson – Bromelia. (Cyber Club TV)
- Adrinuelly Isenia – Leli di awa.
DUO PA PRENS I PANCHO
- Shurendy Winklaar i Michinel Craanberg;
- Jurgen Grotestam i Dewayne Manuela;
- Rigshendely Mauricia i Michelangelo Martina;
- Jamal Adriana i Anthony Pieters;
Próksimamente henter e kampaña promoshonal relashoná ku Elekshon di Reina, Prens i Pancho 2015 lo kuminsá i mas detaye di e evento lo keda presentá. Un danki ta bai Sra. Blanca Colmenares di Inglot ku a perkurá pa e makiyahe di e kandidatanan. Niurka i Rolly ku a sòru pa e peinado i ‘Limo Service’ pa e transpòrt den ‘Hummer Limousine’ di e kandidatanan i Prens i Pancho. Direktiva di ‘Divine & Explosive Production ta konsistí di: Sra. Aishel Maria, direktor Sra. Mariela Huerta, asistente i sekretaria. Sra. Morela Gerardus-Troeman, kordinadó general. Sr. Edwin D’Loran – kordinadó presentashon partisipantenan. 
Srta. Jadira Bislick – relashonista públiko.