WILLEMSTAD- Aprel 2015- E djarason anochinan a bira aun mas mihó na Curaçao Marriott Beach Resort. Disfrutá di un selekshon di e ‘street food’ mas popular na mundu i hasi un biahe kulinario pa e.o Mexico, India, sur di Asia i vários pais mas. ‘Street Food’ ta un konsepto masha popular na diferente pais; esaki ta kuminda prepará bo dilanti, den forma rápido i usualmente den un lugá públiko manera un festival òf marshe. Imaginá tur esei pero na Curaçao Marriott Beach Resort! ‘Street Food Wednesday’ lo keda ofresé tur djarason for di 7’or pa 9’or i mei estilo bufèt na Palm Café.

Esaki ta un ekselente oportunidat pa tur ku no a bishitá Palm Café ainda despues di su re-apertura, pa hasi un bishita i sinta disfrutá kómodamente. Riba djaluna anochi ya kaba nan ta konosí pa nan sukulento BBQ. Palm Café ta brinda un ambiente diferente kreá pa efekto di lusnan LED den diferente koló, stul i mesanan nobo i un pintura eksepshonal. Djarason awó bishita e ‘Street Food Wednesday’ i laga e aroma di tur delisianan prepará tenta tur sentido, hibabo na rekuerdonan grato di un fakansi previo òf jùist lagabo sera konosí ku eksperensianan kulinario nobo. Tambe lo tin un ‘live show’ inkluyendo un ‘Lion Dance’, entretenimentu for di sur di Asia na unda ku un bailarin den disfras di leon lo deleitá tur ku ta komiendo ku bailenan kultural reflehando e anochi temátiko durante ‘Street Food Wednesday’. Kome estilo ‘street food’ tur djarason anochi pa únikamente $40. Muchanan entre 6 ku 12 aña ta paga mitar di preis i di 0 pa 5 aña ta kome grátis. *Preis ta pa persona, ekskluyendo 9% di impuesto i 15% kargo di servisio.

Palm Café ta habrí tur dia pa desayuno, for di oranan trempan di mainta. Pa reservashon por yama 736.8800. Pa mas informashon por bishitá e página di Facebook. https://www.facebook.com/CuracaoMarriott