selebrando 70 aña di servisio na komunidat

Willemstad – Resientemente den un seremonia hopi bunita ku a konta ku presensia di miembronan i algun invitado di e klup, Curaçao Lions Club a instalá un direktiva nobo pa aña 2015-2016. Bou di e invitadonan tabata presente presidente di e klupnan ruman Aruba Lions Club i Bonaire Lions Club.

E aña benidero Curaçao Lions Club ta selebra 70 aniversario i huntu ku sobra miembro e direktiva nobo ta bai hasi e aña di selebrashon aki unu hopi spesial. Tema pa e aña di selebrashon ta “70 Years of Community Service”.

Ya e direktiva por anunsia ku tin preparashonan ta tumando luga pa un aktividat grandi den luna di november ku un oradó internashonal hopi konosi.

Miembronan di direktiva di Curacao Lions Club 2015-2016 ta President Alexis Daou, Secretary Claudia Prodan, Treasurer Lissette Bor, 2^nd Vice President Ellen Goilo-Klok, 3^rd Vice President Maarten Thissen, Tamer/Tail twister Mariela Romero, Membership Director Felipe Croes, Immediate Past President Don Hernandez. Lyrio Gomez ku no ta riba e potret tambe ta den direktiva komo Director.

Direktiva nobo di Curaçao Lions Club ta spera di por sigui konta ku sosten di un i tur pa huntu kontinua ku e trabounan valioso na bienestar di grandi i chiki alabes selebra 70 aña di servisio na komunidat.