Programa di Karnaval di Banda Bou 2016 ta lo siguiente:

• 3 yanüari 2016: Apertura di Temporada di Karnaval di Banda Bou na Sta. Cruz
• 15 Yanüari 2016: Elekshon di Reina, Prens ku Pancho Grandi na Landhuis Groot Sta. Martha
• 16 Yanüari 2016: Elekshon di Reina, Prens ku Pancho Hubenil na Landhuis Groot Sta. Martha
• 6 Febrüari 2016: Marcha di Karnaval di Banda Bou saliendo na Hòfi Abou i terminá na veld di Barber

Karnaval di Banda Bou ta den full desaroyo, rumbo pa selebrashon 50 aña Karnaval di Banda Bou. E lema di Karnaval di Banda Bou 2016 ta:

Karnaval di Banda Bou 2016.. Ku mira pa bria manera un Diamante..

Karnaval di Banda Bou 2016 lo ser dediká na Sra. Minerva Martina. E persona aki, un karnavalista di pura sepa, tin un trayekto di mas di 36 aña di dedikashon na Karnaval di Banda Bou. Semper Sra.Minerva boluntariamente a juda tur hende ku bati na su porta ku amor i kariño.

Gruponan interesá pa partisipá den marcha di Banda Bou 2016 por tuma kontakto ku Inaida Hooi na number di telefon 526 – 8827 òf Sherman Felipa 5141528 of via nos página di FB ( fundashon karnaval banda bou). Pa informashon tokante e elekshon di Reina Prens i Pancho di Karnaval di Banda Bou 2016 por manda un email na elekshonkbb@gmail.com òf tuma kontakto ku Marie – Louise Schoop na number di telefon 525-0312.

Kòrda like nos Facebook Page Fundashon Karnaval Banda Bou pa asina keda informá di tur detaye relashoná ku Karnaval di Banda Bou 2016.