Djasabra 7 di Novèmber a kulminá e trayekto di Preparashon i Formashon pa e partisipantenan grandi di Elekshon di Reina, Prens ku Pancho di Karnaval di Banda Bou 2016. Durante e trayekto di Preparashon i Formashon e partisipantenan a risibí diferente workshop riba e tereno di, entre otro, public speaking, uzo di esenario, norma i balornan i komunikashon. Riba e fecha aki tambe a asigná number ofisial i bario pa e Elekshon Premio Dushi Bario. Elekshon Premio Dushi Bario ta un konsepto nobo ku Fundashon Karnaval Banda Bou a bin kun’e den 2015. Reina i  Duonan di  Prens & Pancho pa elekshon di reina di Karnaval di Banda Bou mester duna un presentashon durante kual e partisipantenan ta propaganda e bario di Banda Bou ku el a ser asigná. E meta di e elekshon aki ta pa e partisipantenan sera konosí mas di aserka ku e pueblo i kultura di Banda Bou via di e bario ku el lo tin ku trese den ‘spotlight’ durante e elekshon aki.

Elekshon Premio Dushi Bario lo tuma lugá djadumingu 3 di yanüari 2016 durante apertura di karnaval di Banda Bou na Sta. Cruz. E elekshon grandi di Reina, Prens ku Pancho di Karnaval di Banda Bou 2016 lo tuma lugá djabièrnè 15 di yanüari 2015 na Landhuis Groot Sta. Martha di 8 p.m. – 12 a.m. Entrada pe elekshon grandi ta fl.20. E elekshon hubenil di Reina, Prens ku Pancho di Karnaval di Banda Bou 2016 lo tuma lugá djasabra 15 di yanüari 2015 na Landhuis Groot Sta. Martha di 4 p.m. – 8 p.m. Entrada pe elekshon hubenil ta fl.10 Karchi di entrada pa Elekshon di Reina, Prens ku Pancho di Karnaval di Banda Bou 2016. ta optenibel serka tur partisipante i na 4th of July Snack na Barber. Kòrda like nos Facebook Page Fundashon Karnaval Banda Bou  pa asina keda informá di tur detaye relashoná ku Karnaval di Banda Bou 2016. Karnaval di Banda Bou 2016.. Ku mira pa bria manera un Diamante..