WILLEMSTAD — Den fin di siman direktiva di AMAK a reuní ku un grupo di representantenan di diferente agruashonnan musikal, ku a hasi un petishon na direktiva pa haña aklarashon riba algun punto. Direktiva a honra nan petishon i a reuní ku representante di e 5 agrupashonnan aki i ta bon pa bisa ku e reunion a bai den un ambiente positivo, kaminda vários punto a keda aklará.

Mester remarka aki ku a bolbe bin dilanti e importansia pa miembronan asistí na reunion, pa asina ei nan ta mas altanto di tur e reglanan ku tin pa lokual ta Festival di Tumba.

Manera semper, kos bon por bira mihó i direktiva a tuma nota di algun sugerensia ku lo keda trata próksimamente durante e próksimo reunion general di AMAK.

Direktiva di AMAK semper ta habri pa skucha tur miembro i tur diferensha di opinion mester keda atendé internamente.

Pronto direktiva lo yama un reunion general, durante kua por trata diferente di e sugerenshanan ku a bini dilanti.

Atentamente

Direktiva di AMAK