Kome na grandi, pa preis chikí!

WILLEMSTAD – September– Debí na demanda haltu Renaissance Curaçao ta bolbe ekstendé su “Dine Out Month” dunando abo ku ainda no a probechá di e ofertanan spesial na CRU Steak House & Wine Bar, Nautilus i Infinity Beach Club un oportunidat di trit bo mes na un eksperensia kulinario uniko. Ya ta konosí ku durante e “Dine Out Month” e tres restorantnan, kada unu ku nan spesialidat ta brinda bishitantenan un menú ekstenso na un preis super atraktivo. Awor te ku dia 30 di Sèptèmber próksimo bo por bishitá Renaissance Mall i Riff Fort i disfrutá di un 3 course menu na Infinity Beach Club òf Cru Steak House & Wine Bar òf un bufèt na Nautilus pa solamente Nafl. 55,00 ($30) pa persona. Renaissance Resort su restorantnan ta brinda un eskoho kulinario variá. Asina por menshoná ku Nautilus Restorant ta e maestro di bufèt, ku tur anochi un variedat grandi di salada i pasaboka pa kompañá e bufèt di e anochi. Ora ta trata di e mihó steak na Kòrsou bo mester bishitá Cru Wine & Steakhouse kaminda kada plato ta wòrdu kompañá ku su biña di kalidat superior i pa esnan ku ta amante di kuminda di laman i e ambiente den aire liber, Infinity Beach Bar ta e eskoho perfekto. Pues motibunan ta sufisiente pa disfrutá di Renaissance Curaçao su ‘Dine Out Month’. Pa mas informashon òf pa hasi bo reservashon yama; 435.5000.