Punda a keda kòrá kòrá ku e kareda di Papa Pasku!

WILLEMSTAD, Kòrsou- Desèmber- 2015: Djasabra último Digicel a partisipá na e promé Santa Run, organisá dor di fundashon “Di Kòrsou, pa Kòrsou”. Meta di e Santa Run tabata pa duna bèk na komunidat dor di hasi donashon na famianan ménos prudente, di e forma aki ta duna nan e oportunidat di selebrá Pasku di un manera bunita. Tur fondo rekoudá lo bai pa Curaçao Cares ku ta enkargá pa hasi entrega di e paketenan di kuminda na e respektivo famianan.  Esaki ta kuadra perfektamente ku Digicel su akshon di paketenan di Pasku ku a tuma lugar siman pasá, na unda ku Digicel a entregá kahanan di kuminda pa e dianan di fiesta. Meta prinsipal di e akshon tabata pa duna 75 famia oportunidat di selebrá Pasku, komiendo kuminda di Pasku. Esaki un biaha mas ta demostrá ku ta den ‘duna nos ta risibí’. Manera ya kaba ta bon konosí Digicel su esfuersonan komunitario ta kontinuo, esaki ta posibel ku aporte di tur usuario di Digicel.

Digicel tambe a forma parti di e Santa Run ku djasabra último a pèrkurá pa nos sentro di siudat keda kòrá kòrá. Huntu ku koleganan i nan famia i amigunan Digicel a pasa un ratu masha ameno. Santa Run no tabata tin nada di haber ku spit, pero tur kos di haber ku goso! Tur partisipante a disfrutá di un atardi kontentu, sea ku bo ta un persona ku ta kana tur mainta pa tene kondishon òf bo ta un atleta- lo bo a gosa sigur durante di e evento ku a kubri algun kilometer. Riba fotonan athuntu por haña un impreshon di e promé Santa Run ku a tuma lugar djasabra último den Punda i naturalmente e tim di Digicel ku a disfrutá di e promé kareda di Papa Pasku!