KRALENDIJK- Mei, 2014: Digicel ta demostrá un biaha mas di ta komprometé ku kultura di Boneiru partisipando na diferente aktividat relashoná ku e popular dianan kultural e.o Dia di Rincon. Asina por hasi menshon di donashonnan ku a keda realisá na Kolegio Papa Cornes i Kolegio San Luis Beltran. Ademas di esaki Digicel a kolaborá ku eventonan pa rekoudá fondo di Grupo di Sòftbòl New Angels ku riba nan turno a organisá un fiesta ku animashon di Gio Fuertisimo. E fiesta aki a tuma lugá na Tera Kòrá Ranch. Riba Dia di Rincon, Digicel a malkriá tur bishitante ku un tremendo bazar di telefòn na preis di baka flaku. Hopi tabata esnan ku a bishitá e stènt di Digicel pa probechá di e ofertanan atraktivo i ku despues a keda pendiente pa un ripitishon ya ku e aglomerashon di hende tabata kuantioso.