WILLEMSTAD; Digicel ta klá pa selebrá nan di 11 aniversario huntu ku pueblo di Kòrsou, esaki lo sosodé durante di 11 dia konsekutivo. “Nos ta masha kontentu di por selebrá nos aniversario huntu ku nos klientenan. Semper nos a traha duru pa ofresé konektividat di kalidat haltu, servisio ekselente na klientenan i un portofolio moderno i variá di telefònnan selular”, esaki di akuerdo ku James Herlihy, General Manager di Digicel.  E kompania lo selebrá durante 11 dia largu, regalando 11 premio tur dia na Digicel Megastore, Biesheuvel.  Premionan ta inkluí estadia pa 2 persona na Hilton Curaçao Hotel, diferente gift card pa Freeport  Jewelry i Penha, sena pa 2 na Fuoco Restaurant i muchu mas.

Digicel a bin ta kontribuí i invertí den komunidat di Kòrsou durante tur e añanan; por menshoná ku durante di e último 10 añanan e kompania a invertí 445 mion florin den ekonomia lokal. Lo sigui hasi esaki tambe. Digicel ta konta ku 3 establesimentu; Brionplein, Sta. Maria i e ofisina prinsipal na Biesheuvel. Ademas, na 2015 a habri un Business Experience Center na Digicel Megastore i ku esaki a amplia e portofolio di servisionan ICT ku e kompania ta ofresé.

Ban selebra! E promé dianan di e selebrashon lo tin un toke aún mas spesial ya ku lo enfoká riba Dia di Mama tambe. Pa otro siman, e selebrashon lo haña un ‘twist’ i lo kombiná esaki ku diferente aktividat. Asina por hasi menshon, ku djasabra dia 20 di mei ta dia di famia pa finalmente dia 22 di mei fecha di aniversario konkluí e selebrashon ku repartishon di bolo pa tur kliente.

Oferta: Spesialmente pa nan aniversario Digicel tin 2 oferta postpago. Selebrá ‘Mini’ i Selebrá ‘Max’.  Durante e dianan festivo na Digicel, klientenan ku aktivá e plannan menshoná, ta paga únikamente e kosto di aktivashon, 49 florin.  Tur hende ku aktivá entre 11 i 22 di mei lo partisipá tur dia den  e rifa di premio, durante 11 dia konsekutivo. Pa aktivá sea e Selebrá ‘Mini’ òf e Selebrá ‘Max’, e kliente lo mester trese un identifikashon bálido, último estado di kuenta i prueba di adrès. Probechá i aktivá durante di e selebrashon di Digicel. Ganadornan lo keda saká for di e tómbola ku tin na Digicel Megastore.