Djabièrnè awor dia 24 di yüli kumpra un DL900 i risibí bo karchi pa Taz’s Angels grátis

WILLEMSTAD: E wikènt aki e popular grupo femenino Taz’s Angels lo ta na Kòrsou pa un presentashon den Club Spoonz, Saliña. Den antisipashon pa e evento ku ta tuma lugá djabièrnè 24 di yüli anochi, Digicel ta organisá un evento sosial pa kliente i fanatikonan di Taz’s Angels. Durante di e ‘Rockstarz Pre-Party’ Digicel lo ofresé tur kliente i fanatikonan di Taz’s Angels diferente oferta, tur esaki kombiná ku músika di diferente Dj internashonal.

Djabièrnè 24 di yüli riba lugá di parker di Digicel Biesheuvel lo tin animashon musikal di Dj Abstract, Dj Flava, Mr. Cash i MC Shockwave –tur for di Hulanda. E ambiente ta entre 6:30pm i 8:00pm. Digicel ta organisá e ‘Rockstarz Pre-Party’ komo parti di su aserkamentu na kliente, konsiderando ku Digicel ta ‘fit’ den ‘lifestyle’ di tur kliente. Ta kombiná patrosinio na eventonan of aktividatnan sosial ku ofertanan atraktivo pa klientenan; djabièrnè awor lo tin oferta spesial riba un smartphone DL900 pa Fl.169 inkluyendo 1 luna grátis di data.

Ademas di esaki, e promé 50 personanan ku kumpra e smartphone DL900 lo risibí un karchi grátis pa e evento di Rockstarz di spònser pa Digicel ku presentashon di ‘Taz’s Angels’ e anochi ei den Club Spoonz. Lo tin kos di bebe i kos di kome grátis durante e ‘Rockstarz Pre-Party’. Hopi motibu pa bishitá Digicel Biesheuvel djabièrnè awor i disfrutá di  e ‘Rockstarz Pre-Party’.