ORANJESTAD, Aruba – 21 di october 2015: Aruba Human Resources Association (AHRA) a organisa pa su miembronan un seminario y exposicion cu e tema “Strategic Workforce Planning & Talent Management” riba dia 23 di october na Hilton Resort. AHRA, bao di liderazgo di su presidente Tessely Koolman, a acerca diferente compania pa participa na e exposicion cu producto, servicio y ofertanan special pa e invitadonan di AHRA.

Digicel tambe a participa na e HR Boulevard cu un oferta hopi special, exclusivo pa miembronan di e AHRA y invitadonan na e seminario. A scoge pa presenta diferente productonan corporativo manera por ehempel   “Affinity Plan” y instalacion di internet pa negoshi (Business Internet Accress) na e profesionalnan di recurso humano y gerentenan di companianan.

Affinity Program no ta disponibel na ningun tienda di Digicel, pero contactando e team di benta di Digicel  E plannan aki ta ofrece control riba presupuesto, ta atractivo y por wordo adapta na e necesidadnan di e empleadonan di cualkier compania.

Riba e asina yama “HR Boulevard”, unda cu tabatin diferente compania, Digicel a presenta e beneficionan di e programa, y esunnan cu tabata desea, por a cera un contract di internet durante di e evento caba.

Digicel lo mantene e mesun oferta di AHRA na unda  cu companianan  cu  ta desea di cera un contract pa cualkier servicio di internet , por acerca nan, y haya e  instalacion  (gratis!) te cu dia 30 di november 2015.

Cu nan participacion na HR Boulevard Digicel ta expresa nan apoyo y ta aporta na profesionalnan di recurso humano di Aruba cu ta rekeri bon servicio y e miho nivel di servicionan di comunicacion mobile y Internet cu ta sigur y confiabel.