“Nos esfuersonan komunitario ta kontinuo, esaki ta danki na tur usuario.”

WILLEMSTAD: Digicel su kampaña di fin di aña #GetGifted tin komo meta pa duna bèk na komunidat. E aña aki Digicel lo kontribuí na, fundashon ‘Di Kòrsou, pa Kòrsou’  dor di ofresé 225 pakete di kuminda na famianan ménos pudiente. #GetGifted ta kubri un tema hopi amplio, ku durante di e temporada aki lo keda kompartí ku diferente organisashon i fundashon. Asina por hasi menshon di e akshon pa B4K (Bikes4Kids) den kual Dugucel a hasi entrega di mas ku 100 mucha di ménos rekurso un baiskel.

Shayenne Rock, Head of Marketing ta komentá, “Nos kampaña a wòrdu krea riba e promesa ku Pasku ta e temporada di mas felis, ta tempu pa famia, goso i felisidat. E temporada aki nos tur ta yen di espektativa pa mira kiko tin bou di kèrstbom pa nos, of jùist buskando un regalo pa nos duna un otro persona. E meta di Bikes 4 Kids ta unu ku nos komo empresa por identifiká kuné, e aña aki nos kampaña #GetGifted ta personifiká loke nos a bin ta hasi pa vários aña kaba na Kòrsou. Manera ta bon konosí Digicel su esfuersonan komunitario ta kontinuo, esaki ta posibel ku aporte di tur usuario.”

Digicel a partner ku B4K (Bikes4Kids) pa duna muchanan di ménos rekurso un baiskel, di e forma ei pone un sonrisa riba nan kara e temporada aki. Bikes 4 Kids ta un organisashon non-profit, fundá na 2012 i ta proveé un baiskel nobo nobo na muchanan di ménos rekurso, den temporada di fin di aña.  Tur baiskel ta keda entregá ku un hèlm i un lòk. E ophetivo di B4K ta pa duna e hóben di ménos rekurso un regalo ku e por hasi bon uso di dje i di e forma ei promové independensia i responsabilidat mei mei di e hóbennan. Ademas,  e baiskel ta un forma di transporte ku fásilmente por wòrdu usa pa bai skol, klup deportivo òf kualke enkuentro sosial edukativo ku e hóben tin; moveshon ta masha saludabel. Ta sigur ku e kampaña #GetGifted, lo trese hopi amor i goso pa Bikes For Kids Organization.  Klientenan di Digicel Kòrsou ta keda invitá pa nan sigui nos via tur media di komunikashon i pendiente e fin di aña aki pa ofertanan, promoshonnan atraktivo i hopi regalo den e kampaña #GetGifted.