E ‘Red Hot Spot’ durante di Marchanan di Karnaval a resultá un éksito rotundo!

Willemstad, Curaçao – Durante di e temporada di karnaval, Digicel a djòin InselAir na e ‘Red Hot Spot’ (stelashi) ubiká na Weg naar Welgelegen. E union entre e dos empresanan a trese tremendo ambiente i banda di esei a rekoudá fondo tambe pa Special Olympics Curaçao. Tantu Digicel i InselAir a invitá pueblo di Kòrsou pa disfrutá di e marchanan huntu ku nan na Weg naar Welgelegen kaminda DJ Armando Huerta i MC Monty a sá di pone tremendo ambiente miéntras ku tabata spera marcha yega. Di akuerdo ku e representantenan di ámbos empresa, e reakshonnan tabata sumamente positivo. Ademas di ofresé oportunidat di mira e marchanan, a pèrkurá pa entretenimentu pa tantu mucha komo adulto. E stelashi tabata ekipá ku un kancha di básketbòl i futbòl, a repartí pòpkòrn, a hasi pintamentu di kara, i a duna un show di magia- esaki pa tur mucha. Pa adultonan tambe a hinka un programa di entretenimentu den otro ku a inkluí premionan atraktivo na e ‘Spin The Wheel’ di Digicel. Por a gana diferente telefon selular, karchi di telefon, Digicel ‘goodie bags’ i hopi mas. Alredededor di 600 flanèl a wòrdu bendí, huntu ku e montante rekoudá for di benta di e armbantnan ‘Be Special, Be Extraordinary’ por anunsiá ku a rekoudá un suma grandi pa e organisashon di Special Olympics Curaçao. E atletanan spesial tambe a djòin e stelashi durante di marcha hubenil i marcha di tiner. Digicel ta invitá tur hende pa bishitá nan página di Facebook, ‘upload’ nan potrèt ku a wòrdu saká ku e ‘frame’ spesial pa karnaval di Digicel, invitá bo amigu i famianan pa e vota pa e potrèt pa un oportunidat di gana un estadia di 2 anochi na Sta. Barbara Resort. *Lo saka ganador dia 14 di Mart próksimo.