Ofresiendo simplemente mas ku eksperensia digital

ku Digicel su Prime Bundles nobo yen di data

Willemstad, Curacao – 21 òktober, 2020. Digicel awe ta lansa su mes komo e Operador Digital i ta marka e okashon aki presentando simplemente mas via un kolekshon di 8 app i un promesa di un eksperensia digital sin igual.  

Awe ta marka un era nobo pa Digicel ora nos ta bai tur ku tin den digital. Diesnuebe aña pasá despues di su lansamentu na Jamaica komo operador di aparato mobil i konsekuentemente sakudí industria di telekomunikashon den 31 merkado di Karibe, Amérika Sentral ku e promesa di e mihó ret, mihó balor i mihó servisio hasiendo telefon mobil aksesibel pa tur hende tur kaminda – Digicel ta kana drenta den su futuro.

Como Operador Digital, Digicel ta ofresé eksperensia digital 1440 minüt di kada dia na kliente – esaki ta henter dia, tur dia. Esaki ta nifiká semper disponibel i semper ku algu pa ofresé su klientenan- sin importá kiko ta nan interes. Deporte, músika, notisia, radio lokal ,podcast, storage den cloud, semper ku algu pa tur hende. Kada minüt di dia Digicel ta e úniko operador den merkado ku por ofresé esaki.

Komentando riba Digicel su era nobo komo Operador Digital, Denis O’Brien, Digicel su Presidente di Grupo ta splika;  “Esaki ta e hazaña di mas grandi ku nos a hasi desde ku nos a kuminsá na Jamaica 19 aña pasá”. Awe nos ta dal un stap enorme i drenta den nos futuro primintiendo nos klientenan ku nos lo ta ku nan 24 ora o sea 1440 minüt tur dia – esei ta kada minüt den un dia – i ku nos lo tin semper un app i un eksperensia digital pa deleitá i konektá ku nan. E promesa aki di konekshon konstante na su lugá ta pèrkurá pa un relashon ku ta mas profundo, mas impaktante i mas resonante ku nos klientenan”.

TA E MOMENTO ADEKUA

E promé paso signifikante di e Operador Digital nobo i relashon ku kliente ta di laga nan gosa mas tantu posibel di tur e eksperensianan digital i data ku nan ta deseá  den tur Digicel Prime Bundle nobo.

Digicel Prime Bundles ta figurá un kolekshon di nos servisionan digital (òf app) manera D’Music pa músika, PlayGo pa stream programa di Televishon, SportsMax pa kontenido riku di deporte, BiP pa manda mensahe, video i hasi yamada, wega online GoLoud pa radio emisora lokal i podcast, LOOP pa notisia, Billo pa storage den cloud– kada un ku nan mes alohamentu generoso di data asina e kliente por sinti,  eksperensia i gosa di nan miéntras nan ta bibando nan bida digital.  Ademas di esaki nos MyDigicel app pa propio maneho di kuenta.

Komentando riba Digicel Prime Bundles, Oliver Coughlan, Digicel su CEO di Karibe i Amérika Sentral ta splika; “Awe nos ta kana drenta den nos futuro. Komo un operador di aparato mobil, nos tabata bende minüt i MB, awó komo Operador Digital nos ta para pa ofresé eksperensia digital i nos ta hasi esaki sosodé 1440 minüt kada dia. Esei ta henter dia, tur dia.”

E ta sigui bisa; “Ku nos Digicel Prime Bundles nos ta sigurá ku nos klientenan por gosa mas di e kosnan ku nan ta gusta ku aún mas data. Nos Digicel Prime Bundles  ta sin igual riba merkado. No tin nada ku lo ta mas serka di esaki. Loke sea nos kliente ta deseá nos tin un app i un eksperensia digital p’e.  Esaki ta nifiká ku e kliente por hasi mas, eksperensiá mas, studia mas, hari mas, gana mas, kompartí mas i skucha mas ku Digicel. Nos Operador Digital ta primintí nos klientenan simplemente mas. Bon bini na Digital serka Digicel.”