E kliente tin ful kontròl di su kuenta!

WILLEMSTAD:- Digicel ta lansa awe su Quick Pick Plans di 1, 7 i 30 dia. Awor ta posibel pa skohe tur loke realmente bo ta usa, sea ta Digicel Talk, Digicel Data òf tur dos huntu Digicel Talk & Data. E Quick Pick Plans ta prepago i trahá na midí di e kliente. Awendia, uso di data ta hopi importante tin bes te hasta mas importante ku uso di yamada, ta p’esei e Quick Pick Plan di Digicel ta habri kaminda pa un aserkamentu nobo den telekomunikashon.

Si e usuario tin mester di solamente data, Digicel ta dun’e eksaktamente esei. Si e ta deseá, minüt di yamada só, esei por. Si bida diario di e kliente ta eksihí tur dos, minüt pa yamada i data, e ora’ei tin esei tambe i Digicel ta inkluí Social Media grátis! Kis un di e aplikashonnan di mas popular riba social media, sea ta e WhatsApp. SnapChat òf Twitter. “Nos ta e úniko proveedor ku por ofresé nos klientenan esaki; WhatsApp Messenger grátis, sin ku esaki ta konsumí for di e plan di data. Nos ta kere den duna e kliente eksaktamente loke e tin mester. Dor di skohe un di e plannan den Quick Pick Plans ku ta ‘fit’ su bida e mes ta determiná uso i pago pa dia òf pa luna,” esaki di akuerdo ku Shayenne Rock, Head of Marketing pa Digicel Kòrsou.

E plan di ‘Data Only’  ta spesialmente pa esun ku ta fanátiko di social media i uso di internèt general, e ta duna un benefisio adishonal na e kliente; WhatsApp Messenger grátis! E plan aki  ta kuminsá na 100MB pa dia, e kliente por ‘upgrade’ te ku 3GB pa dia.  E plan ‘Talk’ ta pa e kliente ku ta preferá komunikashon telefóniko, papia ilimitá pa numbernan di Digicel pa Digicel i e kliente ta risibí SMS ilimitá. E plan ‘Talk’ tin 3 pakete, mas dia e kliente aktivá, ménos e ta paga. Finalmente, tin e pakete pa e persona ku ta dependé di un konektividat kompletu, uso di data ta mes importante ku minüt pa yamada. E plan aki tambe ta kuminsá na 100MB pa dia ku oportunidat di ‘upgrade’ te ku 3GB pa dia, yamada ilimitá pa number di Digicel i WhatsApp Messenger grátis. “Atrobe tur e kontrol di bo budgèt ta den bo man. Pa nos ta importante pa e kliente por aktivá, kontrolá i disfrutá; ku Quick Pick Plans. Lo bo tin mas benefisio di un plan di 30 dia den komparashon ku un plan di 1 dia. Esaki ta e mesun prinsipio pa tur pakete den Quick Pick Plans. Mas dia, ménos sèn, na final di dia nos tur ke paga ménos.”, asina Shayenne Rock, a finalisá.

Tur plan por wòrdu aktivá fásilmente via di My Digicel App; ora e kliente aktivá via di My Digicel App e por kis tambe e Social Media di su preferensia. Tur plan por wòrdu mirá via di *123# tambe, pero despues ku aktivá via di e My Digicel App. Ademas di tur esaki, por agregá loke falta. Por ehèmpel si e kliente skohe ‘Data Only’  ta posibel pa despues tòg agregá minüt pa yamada i visevèrsa tambe.  Ku Quick Pick Plans e kliente ta den kontròl di su uso i budgèt. Pa mas informashon por bishita e wèbsite di Digicel www.digicelcuracao.com .