Gana un Samsung Galaxy J5 i un plan Hybrid Small pa 1 aña largu

WILLEMSTAD: Usuarionan di Digicel i siguidónan di e plataforma sosial di Digicel tin chèns di gana un Samsung Galaxy J5 i un plan Hybrid Small pa 1 aña largu. Esaki ta enserá ku e kliente ta risibí 2GB di data, SMS ilimitá tur kaminda na mundu, 200 minüt na yamada (lokal i tòp 15 destinashon), 1GB na data pa hasi uso di e aplikashon di músika (d’Music). Partisipá ta masha fásil. Algun siman atras Digicel den kolaborashon ku Dibo D i Alex Sargo a lansa ‘Bring The Beat’. Un mix up-tempo, masha kontagioso ideal pa ora di hasi deporte, zumba òf djis durante un momentu kontentu entre amigu.

Siman pasá, Digicel a produsí un videoclip spesial ku partisipashon di Coach Sabina, instruktor di Zumba, Ruvette Dirksz presentadó di radio, empleadonan di Digicel i tambe un di e embahadornan di Digicel, kantante i kompositor multitalentoso, Dibo Doran na unda ta reta e usuario di 13 aña bai ariba pa partisipá na un ‘Beat Challenge’. Ki ta bo ‘beat’? Kon abo ta disfrutá? Bishitá e página di Facebook di Digicel pa algun idea.

Partisipantenan por manda nan clip te ku 3 di novèmber próksimo na registration@digicelgroup.com Digicel lo ‘upload’ tur clip di e ‘Beat Challenge’ riba nan página di Facebook i públiko por vota, dor di ‘like’ i ‘share’ nan clip faborito- esaki por te ku djadumingu 20 di novèmber. E clip mas popular i ku mayoria voto, lo bira e ganador di e ‘Beat Challenge’ di Digicel. Votonan ta keda determiná dor di kantidat di ‘like’ i ‘shares’ riba Facebook.  GANA un Samsung Galaxy J5 i un plan Hybrid Small pa 1 aña largu! Lo anunsiá e ganador di ‘The Beat Challenge’ djaluna dia 21 di novèmber próksimo.