Dunando tur kliente akseso ilimitá na Facebook, WhatsApp, Instagram i Twitter

WILLEMSTAD, Kòrsou- Sèptèmber 2015: Digicel ta kontentu di introdusí su plan di data nobo inkluyendo Social Media ilimitá. Awòki por aktivá e plan di data regular di Digicel òf e plan di data ku ta inkluí uso ilimitá di aplikashonnan popular riba Social Media manera Facebook, WhatsApp, Instagram i Twitter. Tur esaki sin usa for di nan data. “Manera ku nos klientenan por nota, nos ke sigui ofresé nan un eksperensia plasentero. Ta nos meta pa semper keda inová. Awe nos ta bolbe hasi introdukshon di un produkto ku sigur lo benefisiá tur usuario”, esaki di akuerdo ku Sr. Hans Lute direktor di Digicel Kòrsou. 

Awendia ta masha importante pa mantené konekshon kontinuo riba aplikashonnan sosial, manera Facebook, WhatsApp, Instagram i Twitter- esaki ta hasi ku e uso di data pa kada kliente ta muchu mas tantu. Digicel a diseñá un pakete, den kual e kliente ta mantené konekshon hasta si su kuota tèrminá. Ku ‘Unlimited Social’ esei ta posibel! E kliente por sùrf riba Facebook, ‘upload’ potrèt òf video, komentá i manda mensahe instantáneo. Usa WhatsApp, manda i risibí mensahenan instantáneo, risibí i manda potrèt òf video. ‘Subi’ Instagram, kompartí i wak galeria di potrèt i video. Tur esaki ta konta pa Twitter tambe; por kompartí imágen i ‘tweet’. E plan aki ta masha simpel pa aktivá i ta inkorporá den Digicel su menú *123# i den MyDigicel App.