E mihó di Prepago i Postpago kombiná

WILLEMSTAD: Siman ta habri ku bon notisia pa usuarionan di Digicel. E kompania ta lansa su produkto di mas nobo yamá, Hybrid. E produkto aki lo ofresé klientenan e mihó di tur 2 mundu, ta p’esei ta lans’é kompañá promoshonal “The Best Of Both Worlds”- na papiamentu, “E mihó di tur 2 mundu” – komo ku e ta ofresé klientenan; e mihó di Prepago i e mihó di Postpago. Di akuerdo ku Marketing Manager di Digicel, Shayenne Rock, “Hybrid ta un produkto úniko! E ta duna un di tres opshon, spesialmente pa tur kliente ku no ta ‘fit’ den un plan di Postpago stándart òf un ‘Pay as You go’ di un plan Prepago”.

Ku e plan aki kliente tin 100% kontròl riba nan gastunan – meskos ku Prepago. E kliente ta paga únikamente pa loke e ke i loke e tin mester dor di ‘top-up’ ora ku e yega su kuota di Hybrid. Ora ku esei sosodé su Postpago ta bira Prepago. E kliente ta risibí Social Media Ilimitá– meskos ku Prepago, ademas di esei e por keda ku su number Prepago di Digicel. Ku un plan Hybrid e ta risibí mihó tarifa pa data – meskos ku Postpago i e tin e komfortabilidat di un plan fiho pa data i krédito pa yama i sms – meskos ku Postpago . Pa hasié mas mihó ainda; data i krédito ku no wòrdu usá, ta pasa pa siguiente luna. Esnan ku ta hasi hopi uso di data i Social Media lo gusta Hybrid sigur! E plan di Hybrid ta ofresé Social Media Ilimitá; esaki ta nifiká ku Facebook, Instagram, Twitter i WhatsApp lo no konsumí for di bo pakete di data regular.

Hybrid lo wòrdu ofresé den tres diferente pakete; ‘Small’ ta duna e kliente 3GB data, 20 florin di krédito pa yama i sms plus Social Media Ilimitá na un kosto mensual di 80 florin.  ‘Medium’ ta duna e kliente 5GB data, 25 florin di krédito pa yama, sms sms plus Social Media Ilimitá na un kosto mensual di 99 florin i finalmente ‘Large’ ta duna e kliente 8GB data, 30 florin di krédito pa yama i sms plus Social Media Ilimitá na un kosto mensual di 129 florin. Ademas di esei, tin diferente tipo di suskripshon- por skohe pa 3 luna Sim Only pa Hybrid Small, Medium + Large, òf unu di 1 òf 2 aña di suskripshon + smartphone pa Hybrid Small, Medium + Large. Hybrid ta un solushon ku ta ofresé e kliente e mihó di dos mundu; un plan fiho pa un preis fiho i ta dun’é oportunidat di rekargá ora ku e ta deseá- òf ora su kuota tèrminá”, asina Marketing Manager di Digicel, Shayenne Rock a finalisá.

Pa mas informashon i pa bo sá kon bo tambe por kuminsá usa Hybrid awe mes i disfrutá di e mihó di tur 2 mundu, bishitá Digicel, bai riba e websáit www.digicelcuracao.com òf yama 145 grátis for di bo telefon Digicel.