Paga e selular di bo eskoho ‘tiki tiki’ durante 1 aña

WILLEMSTAD, Kòrsou- Ougùstùs 2015: Digicel ta sigui inová, despues di e ‘hit’ ku Digicel Zero, djabièrnè mainta Digicel a lansa un otro produkto ku sigur lo benefisiá su klientenan. Durante di un enkuentro ku prensa djabièrnè mainta na Digicel Megastore, a introdusí e produkto di mas nobo pa e usuario di Digicel, e ‘Easy Digi Plan’. Tur loke e kliente tin mester den un pakete di Fl.88 pa luna durante 1 aña. Esaki ta inkluí 3GB data, minütnan den ABC Digi pa Digi ilimitá, 100 minüt Off-net, 100 sms On-net  den ABC i pa otro proveedor. Ademas di esaki, opshon pa kumpra e telefon ku e ta desea.

E produkto aki  ta pa tur klientenan ku ta deseá di tin konekshon di internèt tur momentu i ta deseá di yama òf sms ken ku ta i ki ora ku ta. E plan di postpago tin hopi benefisio manera tarifanan mas kumbiniente. Yamadanan ku Digicel ilimitá rònt Aruba, Boneiru i Kòrsou a bira masha atraktivo, e chèri riba e bolo ta ku tur esaki ta posibel ku un telefon nobo di e kliente su propio skohensia. Keda semper konektá ku data, ‘voice’ i sms pa únikamente FL. 88,- pa luna! Huntu ku e Easy Digi Plan tin e Easy Pay Plan ta duna e posibilidat pa paga bèk e kosto di e telefon ku bo a skohe den periodo di 1 aña i no mester paga e montante kompletu di bo telefon, den un pagá.

Pa hasié fásil Digicel a pone e telefonnan den 3 kategoria: Basic, Medium i Premium, e kliente por skohe e telefon ku e ta deseá na un di e ‘store’ nan di Digicel. Un telefon ‘premium’ manera e último modelo di Samsung S6 Edge òf un telefon básiko manera e Alcatel OT6032 ku ta manten’é konektá na un bon preis. E kliente ta disidí kua telefon e ke i kuantu e ta deseá di paga pa luna. Ta importante pa e kliente kalkulá su gastunan pa luna, basá riba e telefon ku e mes a skohe huntu ku e preis fiho di Fl.88,- di Easy Digi Plan. Ta bon pa menshoná ku no mester di depósito pa apliká pa e plan nobo aki, pero sí e kliente lo mester trese su último ‘statement’ di banko i su último slep di salario.  Pa mas informashon di Easy Digi Plan, bishitá Digicel Megastore na Biesheuvel,  Brionplein òf na Sta. Maria.