Un manera fásil pa manda minüt pa famia i amigunan den Caribe

WILLEMSTAD: Digicel a anunsiá lansamentu ofisial di un aplikashon pa Top Up masha kumbiniente, lihé i sigur pa klientenan den eksterior manda ‘minüt’ pa nan famia i amigunan residensiá den Caribe. E aplikashon nobo pa Top Up ta pèrmití klientenan den Caribe pa rekargá nan propio kuenta tambe.

Klientenan di Digicel den eksterior a pidi pa un manera fásil pa rekargá nan kuenta pa por hasi yamada, Digicel ta kumpli ku e petishon, ofresiendo un manera masha efisiente, lihé i fásil pa keda konektá. Loke ta hasi esaki aun mas fásil ta, ku no tin gastunan di transakshon na momentu ku manda minüt via di e aplikashon Digicel Top Up. “E reakshon di parti di nos klientenan tabata tremendo”, esaki di akuerdo ku Shayenne Rock “Desde ku a kuminsá e trayekto den luna di Novèmber aña pasá, nos por a registrá aproksimadamente 200,000 download. Klientenan ta sigui komentá kon e aplikashon aki ta fasilitá e uso; sea ta pa Top Up nan propio kuenta of di famia i amigunan residensiá den Caribe ki ora ku ta i sin importá unda nan ta”.

Digicel a lansa un kampaña promoshonal pa sigurá ku klientenan ta realmente benefisiá di e aplikashon. Hopi bes ta sosodé ku un usuario no ta eksplorá e aplikashon kompleto. Ta e idea pa e kliente saka máksimo probecho di e aplikashon. E ‘Digicel Top Up App’ ta optenibel pa download via di iTunes i tambe Google Play. Digicel ta komprometé pa mantené famia i amigunan den eksterior konektá ku esnan na kas den Caribe ku e aplikashon aki. Pa mas informashon di e ‘Digicel Top Up App’ por bai riba e websáit www.digicelgroup.com of bishitá e establesimentu di Digicel mas serka dibo.