WILLEMSTAD/ Oséano Pasífiko, Aprel 2015:  Resientemente, Digicel den forma ofisial a lansa un apelashon pa kolektá fondo ku por yuda den asistensia pa aliviá e situashon aktual na Vanuatu. “Despues di e desaster ku e siklon a laga atras mester di hopi ayudo. E bista ta devastador i e daño ta signifikante. Vários kas a literalmente a disparsé i hopi famia a pèrdè tur kos”, esaki di akuerdo ku CEO di Digicel Asia Pasífiko, Sr. Micheal Murphy. Huntu ku ‘Save the Children Australia’, Digicel ta kolektando fondo pa e akshonnan humanitario via di SMS i tambe Online. “Maske ku Vanuatu ta leu for di kas, tòg nos ke krea konsiensia serka nos klientenan. Kisas nan ta tuma nota di akshonnan riba Social Media; pues ta bon pa nos pone nos klientenan na altura ku nos ta solidario ku nos koleganan den otro merkadonan”, esaki di akuerdo ku Marketing Manager di Digicel, Shayenne Rock. Vanuatu ta un isla ubiká na sur di Oséano Pasífiko i tin un populashon di 252, 763. E lenguahe primario ta franses, bislama i ingles. E nashon Vanuatu a keda sorprendé dor di un siklon kategoria 5 fin di siman pasá. Bientunan a lanta 340 kilometer pa ora i a kousa un destrukshon masivo. E organisashon ‘Save the Children’ ta trahando dia i nochi pa proveé kuminda, awa, dak i otro nesesidatnan primario na e komunidat ku awòki ta hopi vulnerabel- tur fondo rekoudá lo bai pa e akshon humanitario dediká na e siudat di Vanuatu. E akshon ta keda promové primordialmente via medionan di komunikashon sosial, Facebook i Twitter usando #TogetherForVanuatu i ta apelá na usuarionan pa duna un man #TogetherForVanuatu i hasi un donashon na ‘Save The Children Cyclone Pam’ dor di SMS òf realisá un donashon ‘online’. Usuarionan di Digicel fásilmente por hasi un donashon di $1 dor di SMS na e 9222, esaki no ta bálido na Kòrsou. Pero sí, e kliente ta liber di hasi un donashon ‘online’ na https://donate.savethechildren.org.au/digicel.