WILLEMSTAD-OUGUSTUS: Antisipando Curaçao North Sea Jazz, Digicel a hasi un kampaña na unda ku klientenan por a gana 2 karchi pa bai mira e konsiertonan. Tabata tin 4 diferente manera pa gana e karchinan; por a gana dor di aktivá e pakete One Rate, rekargá bo pre pago na un establesimentu di Digicel òf por a SMS JAZZ na 2000 esaki a konta pa tur kliente pa pre-pago i post pago. Digicel a hasi e promoshon pa CNSJ na Aruba i Boneiru tambe; den e merkadonan aki, klientenan a gana estadia i pasashi pa por eksperensiá e festival na Kòrsou. Pa e kampaña spesífiko aki, Digicel Kòrsou, a saka 4 ganador di kual kada un a risibí 2 karchi di entrada pa e konsiertonan di CNSJ e fin di siman benidero. E promoshon tabata válido te ku dia 27 di ougùstùs i djarason último a hasi entrega di e premionan na e respektivo ganadornan. ”Tin hopi espektativa pa e konsiertonan e fin di siman aki; Nos ta spera ku tur esnan ku a risibí e oportunidat via di Digicel pa eksperensiá e CNSJ di e aña aki, disfrutá plenamente! Tur luna Digicel ta duna su klientenan chèns di ta interaktivo i di gana premionan hopi atraktivo den e diferente wega, kampaña i promoshonnan di SMS di Digicel, pues klientenan mester keda pendiente!”, esaki di akuerdo ku Thessa Fleming, relashonista públiko di Digicel Kòrsou. Keda pendiente di e página di Facebook di Digicel pa keda na altura di tur e promoshonnan ku tin den e temporada aki. Riba foto por mira momentu ku e ganadornan ta risibí nan karchinan pa CNSJ for di Srta. Thessa Fleming, relashonista públiko pa Digicel Kòrsou. Masha pabien na tur ku a gana!