Telefon celular atrobe e regalo preferi e fin di aña aki

ORANJESTAD, Aruba – 27 di December 2017: Dia 22 di December Digicel a tene nan shopping night, pasobra hopi hende gusta ricibi celular como regalo. E dia aki Digicel a opta pa duna e clientenan 3 diferente telefon, cual ta 2 modelo di Samsung y 1 di Nokia. Hopi hende tabata presente pa asina cumpra celular pa regalo y tabata disfruta di e ambiente di gaita. Tambe comunidad por a pasa na e “food drive” pa asina trece comestibel pa yuda famianan den necesidad.

CEO di Digicel Aruba, Wanda Broeksema a indica nan kier a mira con e shopping night a bay y pa asina mira si por organisa mas di evento asina aki. Desde trempan e luga tabata yen, te cu e fila tabata bay banda di e restaurant unda e tentnan pa Fundacion Pa Nos Comunidad unda e autonan ta pasa pa laga e comestibelnan p’e fundacion. Digicel tin plannan pa sigui haci mas evento asina aki y na mes momento tabata contento di mira e clientenan tin hopi interes den nan servicio y productonan.

Dia 6 di December Digicel hunto cu Fundacion Pa Nos Comunidad a haci un “food drive”, pero e biaha aki a combina esaki hunto cu e shopping night. Asina aki hendenan por a bin cu nan comestibelnan manera blekinan di tuna, bleki di lechi, corn flakes pa asina e fundacion por a traha paketenan di Pasco, pa entrega famianan di menos recurso pa asina riba dia di Pasco nan tambe por prepara nan cuminda y tin un Pasco dushi cu nan ser keri.

Digicel a gradici tur empleado, kendenan a bin cu e idea aki. E tabata hopi “great” cu nan mes a bin cu idea pa duna na comunidad bek. Wanda Broeksema a indica cu Digicel ta conoci den Caribe banda di e parti di bende celular, bende minuut, bende servicio y productonan pa duna bek na comunidad. “Danki na e empleadonan cu ta duna di nan parti pa traha e extra oranan. Nos no ta cerando 8’or tampoco, pasobra tin cu ta keda traha y tin cu kier cumpra celular. Tambe ta gradici Fundacion Pa Nos Comunidad, cu a haci e peticion p’e permiso. Nan mes a bin cu nan boluntarionan,” el a indica. Wanda Broeksema ta gradici pueblo en general cu ta sostene Digicel pa 14 aña, di cual otro aña ta 15 aña y tin plannan hopi grandi. Digicel ta desea tur hende aki na Aruba un feliz Pasco y un bon prospero aña 2018.

Digicel ta un compania total di comunicacion y proveedor di entretenimento cu ta opera den 31 mercado den Caribe, America Central y Ocean Pacifico na Asia. Tambe Digicel ta anfitrion di iniciativanan rond di e mercado, cu ta inclui Digicel Foundation na Haiti, Jamaica, Papua New Guinea y Trinidad &  Tobago cu ta enfoca riba educacion, cultura y programanan social di desaroyo. Pa mas informacion, bishita www.digicelgroup.com.