…pa di 12 biaha konsekutivo…

KRALENDIJK- MART,2014; Tabata djadumingu último ku pa di 12 biaha konsekutivo e organisashon di Special Olympics Bonaire a tene nan ‘Walk-a-Thon’. Un grupo di empleado bon motivá i entusiasmá a partisipá na e kaminata pa demostrá sosten na e atletanan spesial. “Digicel su envolvimentu ku Special Olympics Bonaire no ta di awor aki, for di e apertura di Digicel na Boneiru semper e organisashon por a konta ku nos sosten’, di akuerdo ku Irvinia Daantje, relashonista públiko pa Digicel Bonaire. No únikamente Digicel ta patrosinador mayor di Special Olympics riba diferente isla na unda ku e tin su operashonnan, pero tambe ta kompartí e vishon, ideologia i meta di e fundashon. Esaki mes ta un di e motibunan prinsipal pa ‘pone man na obra’ i yuda e organisashon rekoudá fondo pa realisá nan otro proyektonan tambe. Tur fondo ku a keda rekoudá durante di e ‘Walk-a-Thon’ ta bai pa kubri e partisipashon di e atletanan na weganan olímpiko ku otro aña lo ta na Los Angeles. E kaminata a kuminsá 5’or di mainta- por a kore baiskel òf kana 30 kilometer saliendo for di e kasnan di katibu direkshon Rincon. Digicel a pèrkurá pa tur 750 partisipante tabata tin un tas “string bag” ku a kontené un flèshlait, sèrbètè i un armbant di neon komo reflektor. Tur detaye tabata tin e logo di tantu Digicel komo e fundashon Special Olympics Bonaire imprimí. “Nos ta felisitá e organisashon un biaha mas pa un ‘Walk-a-Thon’ bon organisá, na unda ku tur hende por a sinti nan mes na kas”, asina Irvinia Daantje a finalisá bisando.