KRALENDIJK, mart 2015: Tabata djadumingu último ku pa di 13 biaha konsekutivo e organisashon di Special Olympics Bonaire a tene nan ‘Walk-a-Thon’. “Digicel su envolvimentu ku Special Olympics Bonaire no ta di awor aki, for di e apertura di Digicel na Boneiru semper e organisashon por a konta ku nos sosten’, esaki di akuerdo ku Gerente General, sra. Rachel Brathwaite. Un bes mas por a konta ku partisipashon masal di komunidat boneriano pa e kaminata aki ku ta dediká na rekoudashon di fondo pa atletanan spesial. No únikamente Digicel ta patrosinador mayor di Special Olympics riba diferente isla na unda ku e tin su operashonnan, pero tambe ta kompartí e vishon, ideologia i meta di e fundashon. Esaki mes ta un di e motibunan prinsipal pa ‘pone man na obra’ i yuda e organisashon rekoudá fondo pa realisá nan otro proyektonan tambe. Tur fondo ku a keda rekoudá durante di e ‘Walk-a-Thon’ ta bai pa kubri e partisipashon di e atletanan na weganan olímpiko ku e aña aki lo ta na Los Angeles. Partisipantenan por a kana for di e kasnan di katibu direkshon Rincon òf for di Stadion di Kralendijk pa Rincon. Otro opshon tabata for di Bon Bida Gym pa Rincon. Tur esnan ku a kana e ruta for di e kasnan di katibu direkshon Rincon por a bai ku bus.  Finalmente sra. Brathwaite di Digicel a gradisí henter komunidat di Boneiru i tur kliente di Digicel pa partisipá na e eksitoso Special Olympics Bonaire ‘Walk-a-Thon’ i ta deseá e fundashon hopi éksito ku e preparashonnan.