Nèt promé ku e dianan festivo a hasi un donashon di Usd$1,000 pa organisashon Dia di Rincon:

KRALENDIJK, mei 2015: Despues di un par di dia di festividat, awe por reflekshoná riba e éksito rotundo di FUDECU pa ku organisashon Dia di Rincon. “Nos ta sinti nos mes masha kontentu di por a duna un sosten finansiero na e organisashon enkargá ku e dia aki pa e bario di Rincon. Boneiru i su komunidat por sigui konta ku nos aporte, sigur ora ta trata di deporte i kultura. Esakinan ta ingredientenan importante pa un desaroyo positivo di un komunidat”, esaki di akuerdo ku Sra. Rachel Brathwaite, gerente general di Digicel Boneiru.

Tabata nèt promé ku e dianan festivo ku Digicel a hasi un donashon di Usd$1,000 na FUDECU p’asina kontribuí na organisashon di Dia di Rincon. Ademas di esaki, Digicel a aportá kumprando un kantidat di T-Shirt ku a keda opsekiá na klientenan di Digicel riba e dia festivo. “Di kurason nos ta spera ku henter komunidat a selebrá e dianan di un manera dushi i sano; tantu e selebrashon Dia di Rei i tambe naturalmente Dia di Rincon. Ku e donashon realisá Digicel ta sigui suprayá su kompromiso ku e komunidat Boneriano”, asina Sra. Rachel Brathwaite, gerente general di Digicel Boneiru a tèrminá.

Riba fotonan athuntu por tuma nota di Sra. Rachel Brathwaite hasiendo e donashon na FUDECU i tambe momentu ku a risibí e t-shirtnan ofisial di Dia di Rincon.