‘ring telefon ta ring! Kontestá: “Digicel … Esun dibo!”

KRALENDIJK- OUG 2014: Digicel ta lansa kampaña nobo dunando oportunidat di gana $1,000 òf un Smartphone tur siman. “Nos klientenan ta nos prioridat. Meskos tambe ta, pa ofresé nan e mihó den servisio, e mihó kobertura riba nos red 4G i e mihó ofertanan na Boneiru. Digicel ta di Boneiru; ku e kampaña aki nos ta pone akshon tras di palabra”, esaki di akuerdo ku Nicola Conquet, Marketing Executive Digicel Boneiru. E kampaña a kuminsá i klientenan a reakshoná entusiasmá di akuerdo ku representante di e kompania. E kliente lo tin ku ‘Top up’ (rekargá) ku $3 òf mas i outomátikamente e lo ta partisipando. Kada bes ku e kliente rekargá na Digicel den Kaya Grandi òf serka kualkier rebendedó e ta partisipá den e kampaña. Ademas di esaki, tur kliente ku sera un kuenta postpago nobo tambe tin chèns di gana den e kampaña. “Digicel.. Esun Dibo, ta un kampaña pa nos duna bèk na nos klientenan i di e forma ei gradisí nan pa e lealtat na nos kompania. Den transkurso di añanan e laso entre Digicel i e komunidat boneriano a bira unu sólido i pa esaki nos gratitut semper”, asina representante di e kompania a sigui bisa. E kampaña lo ta vigente inmediatamente i lo tin un trayekto te ku dia 30 di sèptèmber próksimo. Semanalmente lo saka e premionan via di Radio Digital. Lo yama un number di telefon, e persona ku kontestá e yamada e momentu ei lo mester kontestá “Digicel… Esun Dibo!”- únikamente asina ei e lo gana e premio. Sea ta e, $1,000 kèsh òf un Smartphone. Pues ta invitá tur kliente pa nan keda pendiente i gana tremendo premio. Pa mas informashon tokante produkto, promoshon òf e tremendo kampaña aki por bishita e página di facebook www.facebook.com/DigicelBonaire