…ta introdusí DL600, esun mas atraktivo den su estilo…

WILLEMSTAD-JUNI: Digicel ta hasi eksperensia di 4G pagabel i aksesibel pa tur kliente ku e lansamentu di su propio Android smarthphone, esaki ta mustra un biaha mas ku Digicel ta keda inová. Digicel ta introdusí su propio smarthphone DL600 ku tin un ‘display’ di 3.5 inch, e último vershon di Android OS (Jellybean 4.1), un prosesor di 1Ghz i un diseño moderno ku sigur lo hala hopi atenshon.

E Digicel 4G smartphone tin kapasidat di te un máksimo velosidat di 7.2 Mbps. Ademas di esaki e telefon ta ekipá ku algun aplikashon (‘apps’) masha popular ku lo pèrmití e kliente eksperensiá e 4G aun mas tantu; interaktivá mas, hasi mas, skucha mas i kompartí mas. E Digicel DL600 smartphone ta un telefon ku lo hala hopi atenshon di e hóben profeshonal ku ta kontinuamente ‘on the go’, pa tur esnan ku ke mas stail, mas funshon, sigur na un preis hopi mas atraktivo- i un spit ku lo no faya, esaki ta e telefon perfekto! E telefon lo ta optenibel den establesimentunan di Digicel for di djaluna 3 di Yüni 2013.

Digicel su kontinuo desaroyo riba plataforma 4G i LTE den Caribe, Amérika Sentral i Asia -Pasífiko tin komo meta pa keda inová i di por ofresé na tur hende, den tur su merkadonan un servisio di data lihé, na preis pagabel ofresiendo kada kliente oportunidat di eksperensiá kosnan ekstraordinario den nan bida diario. E Digicel DL600 smartphone ta optenibel awor aki pa e preis ekonómiko di ANG 99,-. Esaki ta hasié e telefon di mas atraktivo den su estilo na Kòrsou.

Srta. Thessa Fleming, relashonista publiko pa Digicel ta komentá; “Esaki ta nos esfuerso pa trese e eksperensia di 4G serka mas tantu hende posibel. Nos ta pensa riba aksesibilidat, estilo i disponibilidat. E Digicel DL600 smartphone ta ideal pa e merkado un poko mas yòn, pa esun ku kier ta konektá via di sistemanan di mensahe, social media i otro ’apps’ moderno. E ta un telefon ku lo pèrmití e kliente eksperensiá e 4G aun mas tantu; interaktivá mas, hasi mas, skucha mas i kompartí mas”.