WILLEMSTAD: Fanátikonan di deporte por sigui konta ku Digicel; e biaha aki den un ambiente un poko mas sosial i relahá, ya ku Digicel ta djòin e paseo di baiskel di Radio Mas 99. Den transkurso di añanan ‘Tour de Mas’ a bira sumamente popular i anualmente ta konta ku riba 1,800 partisipante.  Huntu ku e patrosinio Digicel lo duna tur partisipante usuario i no-usuario oportunidat di GANA e pakete di 7 dia 1GB data. Usa bo super data di Digicel i broma riba bo baiskel djadumingu awor!

GANA  bo pakete di 7 dia 1GB data

Djadumingu awor dia 13 di òktober, lo tuma lugá e di 9 edishon di ‘Tour de Mas’ i Digicel tei! Un djis ta dia p’abo tuma bo t-shirt; registrá ku un number di Digicel, si bo no tin un personal, por hasi esaki ku unu di un familiar.  Rekargá bo telefon Digicel ku 10 florin mínimo! Tuma nota, bo tin 7 dia pa hasi esaki. Entre tur esnan ku a rekargá nan telefon ku 10 florin òf mas, lo saka 20 ganador dia 20 di òktober, 2019. E 20 ganadónan lo risibí un data plan di 7 dia 1GB data inkluyendo WhatsApp ilimitá i ‘rollover’.

SportsMax Premium; p’e fanátiko di deporte!

E App nobo, SportsMax Premium ta ofresé e fanátiko di deporte tur 380 wega di Premier League i tur 380 wega di La Liga. Ademas di futbòl riba SportsMax, e fanátiko di deporte por mira weganan di basketbòl NBA, tènis, atletik i muchu mas. Digicel ta hasi posibel pa tur hende na Kòrsou disfrutá di SportsMax, asta si bo no ta kliente di Digicel! Loke mester hasi ta download e App den Apple Store òf via di Google Apps; unabes ku a deskargá e App lo mester traha un Digicel ID, i for di einan por disfrutá mesora di e weganan ‘live’! Pronto e App di SportsMax lo ofresé kontenido lokal tambe. Pa mas informashon por bishitá www.digicelcuracao.com