KRALENDIJK:  Digicel su patrosinio na Bonaire Sailing School Association (BSSA) ta keda suprayá un bes mas durante e selebrashon grandi di regata e siman aki. For di 2015, Digicel a bin ta sostené BSSA i e muchanan di  Sunfish Sailing optimist na Boneiru dor di yuda nan ku e botonan di optinam pa nan train i asina sobresalí durante e kompetensianan.  E aña aki no ta un eksepshon.  Bonaire Sailing School Association (BSSA) ta ubiká netamente na Kas di Regata i ta na unda tur e kareda i kompetensianan ta keda organisá dor di sr. Tom Nijlen. Akinan tambe ta tuma lugá e restourashon di botonan di piskadó, pues ta un sitio hopi frekuentá sigur den e temporada aki.  Digicel ta deseá tur hóben di BSSA hopi éksito den regata 2017.