ORANJESTAD, Aruba – 25 di October 2017: Recientemente un ekipo di empleadonan di Digicel Aruba a bishita un organisacion importante unda cu a contribui den forma positivo na desaroyo di comunidad – Fundacion Siñami Paso a Paso. E fundacion ta traha cu personanan handicap y hendenan grandi riba proyectonan di arte, cual ta acumula tur y bende nan den e feria anual.

E artenan mas popular di e grupo ta e decoracionnan di Pasco, cu ta bende bon y ta provee fondo p’e fundacion por sigui traha. E team di Digicel a haci un entrega special di stoelnan na e programa di Fundacion Siñami Paso a Paso, pa asina nan por tin un ambiente di trabou mas confortabel.

Durante e bishita aki, e team di Digicel a disfruta di interaccion y a asisti na e programa di e trabou di e participantenan. E participantenan tabata cortes y a duna bon bini na e bishitantenan cu un experiencia diferente riba e “work floor”.

Jennifer Kock, Marketing & Branding Manager di Digicel Aruba a bisa di e experiencia emocionante aki, “E trabou haci na Fundacion Siñami Paso a Paso ta importante na e trahamento di un sociedad exclusivo, unda cu ta reconoce e persona handicap y hende grandi pa sigui haci contribucionnan di balor pa nan comunidad. Digicel ta gradici cu nan a ricibi e oportunidad di sostene iniciativa aki y mas ainda cu e participantenan ta uza material recicla pa nan arte y ta haya felicidad den crea nan arte decorativo.”