Introdukshon di ‘RLYH Monthly’ pa klientenan empresarial:
WILLEMSTAD, Kòrsou- Yanüari 2016: Digicel su tarifanan di roaming na Merka, Hulanda, region di Caribe i Latino Amérika ta esunnan mas atraktivo, sigur ora ku e usuario aktivá su “Roam Like You’re Home”. Digicel no tin restrikshon pa ‘roaming’, esaki ta nifiká ku no mester hasi depósito promé ku biaha pa eksterior, por sigui usa e mesun number lokal. Solamente mester aktivá e servisio via *153# di e forma aki e usuario por disfrutá di tarifanan kumbiniente i asta risibí yamada for di kas grátis. Por aktivá e plan promé òf durante di estadia den eksterior.
Digicel Kòrsou ta anunsiá dos destinashon mas pa e servisio di “Roam Like You’re Home”. Ta añadí Colombia i Venezuela. E servisio pa e destinashonnan aki ta bálido pa klientenan postpago i prepago eksklusivamente riba red Telefonica Movistar di e dos destinashonnan nobo, selektando otro proveedor na momento di roam pa Colombia òf Venezuela lo no habri e liña pa RLYH. Biaha pa eksterior i keda risibí yamada via bo telefon selular sin ningun gastu adishonal. Ámbos, destinashon di roaming nobo lo keda kubri den e plan ya kaba konosí di RLYH, Naf. 10,00 pa telefonnan prepago i ta balido durante di 10 dia. Pa klientenan ku un kuenta postpago, esaki ta kosta Naf 25,00 i ta balido durante di 30 dia. Athuntu ku anunsio di dos destinashon nobo, Digicel Kòrsou ta introdusí un plan mensual pa RLYH. E plan aki ta ideal pa klientenan empresarial òf tur ku ta biaha ku hopi frekuensia. Pa aktivá e servisio aki lo mester registrá serka un representante di Digicel, pues no por usa *153 pa aktivashon di e plan mensual. E aktivashon di e plan mensual pa RLYH ta kosta Naf 22,50 i ta bálido te ku ora e kliente avisá pa desaktiv’é.
Ta kòrda tur kliente ku usualmente roaming ta masha kostoso, pero ku Digicel su plan di “Roam Like You’re Home” e tarifanan ta hopi kumbiniente! Por ehèmpel pa Merka e kliente di ‘Roam Like You’re Home’ lo paga US$. 0.35 sèn pa minüt pa yama kas, miéntras ku ora e risibí yamada, esaki ta grátis, manda un SMS lo ta apénas US$ 0.15 sèn i Data ta wòrdu kobrá US$ 0.50 pa MegaByte i igual pa Hulanda. Tarifanan pa ‘Roam’ sin aktivá e servisio por varia entre $6 pa $20 pa Megabyte. Risibí yamada lo por a kosta te asta $1 pa minüt i pa hasi yamada esaki por ta kosta te asta $2 pa minüt. Pa tuma nota di tarifanan aplikabel pa e diferente destinashonnan por bishitá kualkier establesimentu di Digicel òf e wepsáit http://www.digicelcuracao.com tambe por yama sentro di servisio pa kliente na number +5999 6900035 òf 145 grátis for di bo selular di Digicel.