Kompartiendo alegria riba retnan sosial durante dianan di fiesta

WILLEMSTAD; Digicel ta sigurá ku e temporada di fin di aña aki lo ta aún mas spesial, ku e kampaña dediká na retnan sosial- e biaha aki ku énfasis riba e popular página di Facebook. E kampaña #ChristmasTogether (Pasku Huntu) lo mester sirbi pa suprayá e importansia di selebrashon familiar, di kolega òf entre amigu durante e temporada festivo di fin di aña.

Forma parti di e selebrashon:

Ophetivo di e kampaña aki ta pa trese tur hende huntu i hasi e Pasku aki unu realmente ekstraordinario. Digicel ta invitá klientenan pa hasi uso di nan smartphone i graba un video di 15 sekònde, usando 12 dia di Pasku (“Twelve Days of Christmas”) komo e tema pa demostrá ku union ta e ingrediente prinsipal pa un Pasku ekstraordinario. Tur dia- te ku 12 di desèmber, klientenan di Digicel lo risibí un tema pa nan video. Temanan por varia entre; famia, kompartí, amor, alegria, pas i amistat. E klientenan por upload nan video riba Digicel su página di Facebook pa asina e famia mundial di Digicel por wak’é i vota p’e. Klaro, ku un invitashon prinsipalmente pa Kòrsou vota pa e videonan di nos mes hendenan.

Gana tremendo premio:

Kada video ku wòrdu aprobá lo risibí krédito grátis di Digicel komo muestra di apresio. Durante di e kampaña aki, klientenan por gana premionan masha atraktivo, e.o smartphones i e posibilidat pa nan video forma parti di Digicel su propaganda di Pasku. E propaganda aki lo pasa na televishon riba dia di Pasku i tambe lo kompartié riba medionan di komunikashon sosial. “E temporada aki ta inspirá union; Pasku mes ta simbolisá union familiar. Digicel ke a estrechá e lasonan un poko mas. E kampaña aki lo krusa frontera i uni hende for di tur pais ku otro, pero ta Digicel su deseo pa uni prinsipalmente nos hende. Digicel a opta pa lansa un kampaña ku ta motivá nos komunidat na selebrashon, konvivensia i union. Laga e kampaña aki trese un sonrisa riba bo kara i un kurason kontentu. Nos klientenan ta riku na kreatividat pues, nos ta ansioso pa traha ku nan i duna kontenido na e tema di “12 dia di Pasku” (“Twelve Days of Christmas”) miéntras nos ta kompartí felisidat i alegria durante e temporada di fin di aña”, esaki di akuerdo ku Shayenne Rock representante di Digicel Kòrsou. Pa mas informashon òf pa mira e kampaña aki den ful akshon bishitá e página di facebook https://www.facebook.com/DigicelCuracao òf bishitá e wepsáit http://www.digicelcuracao.com.