Tres dia di klínika den futbòl pa hóbennan boneriano

KRALENDIJK-OKT: Esaki ta e di 5 aña konsekutivo ku Digicel ta brinda Indebon su aporte na e klínika di futbòl den temporada di e tradishonal Regatta Boneriano. Mucha i hóbennan entre 9 i 17 aña di edat a partisipá na e klínika ku ta tumando lugar e siman aki den stadion di Kralendijk. Durante di algun dia intensivo pero dinámiko di e Digicel Soccer Clinic, hóbennan lo siña mas di téknika di futbòl bou di guia profeshonal. Djaluna último a tene e apertura di e Digicel Soccer Clinic, na unda ku Srta. Nicola Conquet di Digicel a hasi entrega di e T-shirtnan ku e hóbennan lo bisti durante di e klínika. E dianan previo, hóbennan tabata reuní for di 9’or di mainta na Stadion di Playa pa por a partisipá. E klínika di futbòl ta keda duná dor di Sr. Sylvio (Chio) Semeleer i su kuerpo tékniko; durante di e klínika e hóbennan ta siña dominio riba e bala di futbòl, strategia di wega i konhunto di wega, ademas di esaki nan ta risibí un introdukshon básiko na e wega di futbòl. “Tur partisipante ta bon motivá i nos ta kontentu ku e kantidat di hóben ku e aña aki a registrá, tur aña di nobo e interes ta grandi pa e klínika di futbòl. Ya ta 5 aña ku Digicel ta sostené e proyekto deportivo demostrando su sosten na hubentut boneriano. Nos ta spera ku tur hóben di ratunan ameno riba vèlt i risibí aprendisahe di e deporte ”, esaki di akuerdo ku ehekutivo di merkadeo pa Digicel Boneiru, Nicola Conquet.