Tur djárason un ‘di bon’!

WILLEMSTAD:- Kuminsá aña nobo ku bon notisia! For di e siman aki Digicel lo sorpresá tur su klientenan ku un oferta. E promoshon ku lo ta bálido únikamente riba djárason den luna di yanüari sigur lo ta unu benefisioso pa tur usuario prepaid. E siman aki lo kuminsá ku e promoshon riba djabièrnè, pero lo sigui otro siman i tur siman di e luna aki riba djárason. “Na Digicel nos ta hasi nos máksimo esfuerso pa keda duna nos klientenan presis loke nan tin mester. Esaki ta inkluí diseñá plan i promoshonnan nobo ku ta benefisiá nan komo usuario. Próksimamente, nos lo ‘treat’ nos klientenan prepaid algu èkstra tur siman. Papia 5 minüt i risibí 60 minüt grátis.”, asina Shayenne Rock, Director of Marketing a indiká.

Oferta di Siman:

Tur djárason den yanüari Digicel lo tin un ‘di bon’. E siman aki, e oferta di dia lo ta riba djabièrnè 6 di yanüari. Klientenan prepaid ku yama 5 minüt, lo risibí 1 ora grátis pa un yamada digi-pa-digi òf un yamada internashonal. E yamada, no nesesariamente mester ta unu di 5 minüt kontinuo. Por hasi un yamada di p.e 1 minüt, despues unu di 4 minüt, total 5 minüt i tambe risibí e mesun ora grátis manera indiká anteriormente. Yamadanan internashonal riba telefon mobil òf liña fiho por wòrdu hasí pa Merka, Canada, Inglatera i Venezuela. Yamadanan pa Hulanda ta riba liña fiho. Tambe, yama kualke number Digicel den Caribe ekskluyendo Jamaica, Haiti i Guyana. Djabièrnè awor Digicel ta dunabo un ‘di bon’.  Keda pendiente riba e página di Facebook pa mas oferta. Otro siman lo tin un otro ‘one day offer’.